Waa Su'aalo tobonoo Oon golaha togonine:;

[Muhammad]

Maansadan xujada ah waxa tiriyey Deeq Diiriye,

 

wuxuuna yiri:

 

Waa Su'aalo tobonoo,

Oon golaha togonine:

 

1. Maxay tiradu kow qura

Bilow uga tafniiddaa?

 

2. Muxuu tuke cambaartiyo

Ku kasbaday takoornimo?

 

 

3. Sidee talo nin diidaa

Uga jabin tagoogada?

 

 

4. Ninka taag ku faaniyo

Tab yaqaan midkee ku leh?

 

 

5. Tirobuur kan sheegani

Tirakoobka yaw maray?

 

 

6. Da'i nimay ka daba timi

Tartiibiis ma miyir baa?

 

 

7. Ma ku tookhin geenyada

Hadday toojo kaa tahay?

 

 

8. Waa telef waxaan iri

Temin see ku yeeshaan?

 

 

9. Ninkii tuur leh Baashow

Hurdo see u taamaa?

 

 

10. Aan tolowna kii yiri

Ha lay tolo miyuu yiri?

 

 

Tobankaa su'aalood

Ee taabka lagu xiray

Haddaad garan ta'wiishood

Soo tebi jawaabaha!

Ha tiraabin dulucdana

Adigoo tixayn kara!

Hana tooxin toogada

Adoo toosin heli kara!

Hana tu'inin meelaan

Hadhow laga tukubin karin!

[Baashi]

1. Maxay tiradu kow qura

Bilow uga tafniiddaa?

 

Waxay tiradu kow qura,

Bilow uga tafniidaa,

Tab weeye aadmigu,

Kaga tagay madhanaha,

Tu’ aan jidhan innuu,

Tirsi ku biirsado!

 

Taxannaha xisaabtana,

Tobonka la tiigsadee,

Tusmada loo igmaduu,

Ka tirsan yahay kow oo,

Horjooge loo tilmaamoo

Deeqoow looga taam dhigay.

[Jacaylbaro]

Tuke wuxuu cambaartiyo

ku kasbaday takoornimo

timihiisa dugulka ah

heemaalkiisa togan iyo

hiyilkiisa taahiyo

tiraabtiisa guuxiyo

tu kaloo ka sii daran