General Duke Posted July 26, 2005 Madaxweyne C/llaahi Yuusuf oo Caawa la hadli doona dadweynaha Jowhar Sawirada soo dhaweynta madaxweynaha Madaxweynaha Dowladda Federaalka Soomaaliya C/llaahi Yuusuf Axmed oo maanta soo gaaray magaalada Jowhar ayaa ugu baaqay xubnaha Labada gole ee dowladda Federaalka ee khilaafka ka dhaxeeya inay ku wada hadlaan Golahayaasha Dowladda. Madaxweyne Yuusuf oo la hadlayay Xubnaha Labada gole ee ku sugan ayaa sheegay in loo baahan yahay in la gudi galo howsha dowladda sidaas darteedna uu sheegay in laga tanasulo waxyaabaha khilaafka dhaliyay lagana gudbo khilaafka yaala. Dhinaca kale caawa ayaa lagu wadaa in Madaxweyne C/llaahi Yuusuf la hadlo dadweynaha magaalada Jowhar, iyadoo la diyaariyay halkii Madaxweynaha khudbada ka jeedin lahaa. Sidoo kale ammaanka Madaxweynaha ayaa aad loo adkeeyay, waxaana guud ahaan la dhigay Waddooyinka soo gala Jowhar Ciidamo kala duwan, halka guriga Madaxweynaha ay joogaan ciidamo gaar ah oo wata Dhar gooni ka ah kuwa Maamulka shabeelaha Dhexe kuwaas oo la sheegay inay ka yimaadeen magaalada Gaalkacyo. Nuuradin Macalin Mukhtaar (Dinow) nuradin007@hotmail.com Xafiiska Midnimo ee Muqdisho, Soomaaliya Midnimo Information Center wararka@midnimo.com Quote Share this post Link to post Share on other sites
General Duke Posted July 26, 2005 Wardheeraada oo ku saabsan tegidii Jowhar Madaxweynaha Soomaaliya C/laahi Yuusuf Axmed Posted to the Web Jul 26, 14:57 Jowhar:- Madaxweynaha Dowladda FKMG-ka ee Soomaaliya Mudane C/laahi Yuusuf Axmed iyo wafti balaaran oo uu hogaaminayo ayaa abaarihii 2:00-duhurnimo oo qadar daqiiqado ah la'a uu maanta kasoo dagay garoonka Diyaaradaha Magaalada Jowhar ee xarunta Gobalka Sh/dhexe. Madaxweynaha ayaa waxaa si weyn garoonka ugu soo dhaweeyey Mas’uuliyiin uu ugu horeeyey R/wasaare Cali Maxamed Geeddi,Gudoomiye ku xigeenka koowaad ee baarlamanka Prof.Maxamed Cumar Dalxa,Xubnaha labada gole ee Dowladda,Gudoomiyaha maamulka Gobalka Sh/dhexe Maxamed Cumar Xabeeb (Maxamed Dheere) iyo dadweyne kale oo kor u dhaafayey boqolaal ruux. Madaxweynaha ayaa intii uu garoonka ku sugnaa waxaa uu salaan sharaf ka qaatay Wasiiradii iyo Xildhibaanadii halkaasi kusoo dhaweeyey isagoo ay markaasi garab socdeen R/wasaaraha Soomaaliya Mudane, Geedi iyo Gudoomiyaha Gobalka Sh/dhexe,waxaana uu sidoo kale uu salaan ka qaatay Ciidamadii Bambeyda ee halkaasi loogu diyaariyey in ay madaxweynaha kusoo dhaweeyaan. Intaa ka dib Madaxweynaha ayaa isagoo ay la socdaan istaaf qaas ah oo isaga loo diyaariyey inay amaankiisa sugaan ayaa u gudbay magaalada jowhar waxaana la dejiyey xarunta Gobalka. Madaxweynaha ayaa intii aysan garoonka soo caga dhiganin diyaaradii siday,waxaa soo degtay diyaarad kale oo siday ciidamo gaar ah oo laga keenay Gobalada Puntland,oo Madaxweynaha Ilaaladiisa qaas ka ah noqon doona, iyadoo ciidamadaasina ay wataan labis u gaar ah iyaga si loogu aqoon sado inay yihiin ilaalada Madaxweynaha . Magaalada Jowhar oo ay horey ugu sugnaayeeen Mas’uuliyiin Dowladda ka tirsan oo uu ugu horeeyo R/wasaaraha Soomaaliya Cali M.Geedi oo maalmihi lasoo dhaafayba halkaasi ka waday diyaar garood xooggan oo ay ugu jireen Soo dhaweynta Madaxweynaha Soomaaliya Mudame C/laahi Yuusuf Axmed, Waxayna masuuliyiintii DFKS ka joogay magaalada Jowhar ay si fiican u adkeeyeen gabi ahaanba amaanka Gobalka gaar ahaan magaalada Jowhar ee uu soo gaaray Madaxweynaha lana filayo in ay fariisin kumeel gaar ah u noqoto. C/risaaq C/laahi Maxamed (dhajaceyl) Puntlandpost,Muqdisho,Soomaaliya Saaxiibkaa u *** Daabaco Qormadan Quote Share this post Link to post Share on other sites
