Milatrigii Somalia Ee Looyaqaanay African Lions Oo Washington Ku Kulmay

[mr-diib]

Milatrigii Somalia Ee Looyaqaanay African Lions Oo Washington Ku Kulmay

 

{Washington} 4-609"Qaar ka mid ah Saraakiishii hore ee xooga dalka Somalia, ayaa kulan googol xaadh ah ku yeeshay Magaalada Washington ee dalka Maraykanka, kaasi oo diiradda lagu saaray diyaarinta qodobada looga hadli doono kulan ballaadhan oo bisha fooda inagau soo haysa ka dhacaya dalkaasi.

 

 

Janaraal Maxamed Sh Cismaan (Badmaceeye) oo ka qeyb galay kulankaasi, ayaa sheegay ujeedada kulanka looga gol lahaa sidii la iskula meel dhigi lahaa ajendayaasha la hor keeni doono kulan ay kawada qeyb gali doonaan Saraakiishii hore ee xoogga dalka Somalia oo horraanta July ka furmi doona Washington.

 

Qaban qaabada kulanka ayaa waxaa iska kaashanaya Xafiiska Siyaada Jamciyadda Qurumaha ka dhaxaysa u qaabilsan Somalia iyo Wasaaradda Gaashaandhiga Dowladda Somalia, ayaa sidoo kale waxaa ka xaadiri doona mas’uuliyiinta Wasaaradda Difaaca Dowladda .

 

“Kulankan hordhaca ahaa waxaa isku weydaarsanay fikrado ku salaysan xasilooni ka islaaxda dalka iyo sidii dib boodhka looga jafi lahaa Ciidamadii xoogga ee dalka Somalia, iyadoo la tababarayo maleeshiyaadka” sidaana waxaa yidhi Janaraal Badmaceeye.

 

Ciidamadii xoogga dalka Somalia ayaa kala qoqobmay wixii ka dambeeyey burburkii dalka, waxaana Ciidamada militariga Somalia xilligaasi lagu naaneysi jiray *African Lions* oo macnaheedu yahay Libaaxyada Afrika, maadaama ay Somalia aheyd dal quwad sare ku lahaa Qaaradda Africa