Breaking news: Kismayu heavy clashes start.

[General Duke]

War Deg Deg ah"Dagaal xoogan oo ka dhacay Jannay Cabdalle.

 

(WYNET)Kismaayo:-War deg deg ah oo hadda naga soo gaaray magaalada Kismaayo ayaa wuxuu sheegayaa in dagaal xoogani uu ka ka dhacay meesha lagu magacaabo Jannay Cabdalle oo dhanka afmadow ka xigta magaalada Kismaayo,isla markaana u jirta qiyaastii 40Km.

 

Warkan ayaa wuxuu intaas ku darayaa in Malayshiyada gacanta ku haysa Kismaayo ay weerar ku qaadeen Ciidamadii uu hogaaminayey Col.Afguduud ee dhawaan uu dagaalku ku dhex maray Kismaayo gudaheeda.

 

Ilo goob joog ah ayaa waxay Shabakada Waayaha.net u xaqiijiyeen in dagaalku uu ahaa mid culus,isla markaana isbitaalka guud ee magaalada lasoo gaarsiiyey dhaawac iyo dhimasho fara badan.

 

Wararka dagaalka oo faah faahsan Dhawaan ayey Shabakada Waayaha.net idiin soo gudbin doontaa idanka alle ee haka fogaan.

 

 

Xarunta Shabakada Waayaha.net

[General Duke]

Dagaal qarar oo ka dhacay tuulada Canjeel oo ka tirsan gobolka jubbada hoose kana xigta magaalada kismaayo dhinaca koonfured

 

Coll Qoojaar oo ah taliyaha ciidamada gobolka jubbada hoose iyo malayshiyo beeledka gacanta ku haya magaalada kismayo ayaa dagaal xoogan ku dhex maray deegankaasi.

 

Weerar ay qaaden malaysiyada ku sugan magaalada kismayo iyaga oo ku hamiyaya bililiqo ay u geestaan dadka ka soo jeeda deegan afmadoow iyo nawaaxigiisa,ayaa dagaal qaraar ay isaga hor yimaaden ciidanka dowlada kmg ah oo ay baryahaan dagaal kula jireen oo iyaga ku sugan tuulada canjeel oo kismayo u jirta 40 km

 

Dagaalka ayaa la sheegayaa in looga soo awood roonaaday malayshiya beeledka sida indho la’aanta ah ku doonaya dhulbalaarsiga kana duulay magaalada kismayo waxay wararka sheegayan in laga gubay 2 gaari 3 kalena gacanta looga dhagay wali ma cada qasaaraha dhimashada iyo dhaawaca ee labada dhinac

 

Sidoo kale saakay waxeey magaalada kismaayo ku waabariisatay diyaarado dul heebaabaya hawada magaalada kismaayo, aanan heybtooduna la garanen, malaysiyada gacanta ku haysa magaalada kismayo ayaa markii danbe diyaarada ku riday rasaasta ka dhacda qoriga loo yaqaan zuuga.

 

Sidoo kale wali waxaa magaalada kismayo ka soconaya dhaca loo gaysanaayo hantida sida gaarka ah loo leeyahay sida gawaarida iyo waliba guryaha oo la baaranaayo

 

Arimahaas oo ay go,aan ka soo saaren odoyaasha beesha **** ee gacanta ku haya magaalada kismayo ayaa ilaa hada wax ka hirgalay aysan jirin, ayadoo loo arkey qawda maqashii oo waxbana ha qaban.

 

Xafiiska Warqabadka ee Shabakada Carmooyin.com Nuqdisho Somalia Contact Carmooyin@hotmail.com