Jacaylbaro Posted December 18, 2008 Hargeysa(HWN)-Maxkamada Sare ee Ciidamada Qaranka Somaliland ayaa dil ku xukuntay Askari Boolis ah oo magaciisa la yidhaahdo Cabdalle Jibriil Cali, ka dib markii uu ku cadaaday dambi ah, in uu Tooriy Qudha kaga jaray Marxuum Cabdi Carab Muuse Koonfurta Magaaladda Caasimadda Ah ee Hargeysa 09-kii September ee sannadkan 2008-da. Waxa sidaa lagu sheegay Qoraal maanta ka soo baxay Maxkamadda Sare ee Ciidadamada Qaranka Somaliland oo uu ku saxeexnaa, Guddoomiyaha Maxkamadda Sare ee Ciidamada. Isla markaana, waxa qoraalkaas, lagu shaaciyay in dilkan oo ka dhacay Madaarka Hargeysa, ay Maxkamaddu ku xukuntay dil Toogasho ah, Gacan-ku-dhiigle Cabdalle Jibriil Cali, sida ay farayso Aayada 179-aad ee Suuradda Al-Baqrah iyo sidoo kale Qodobka 434-aad ee Xeerka Ciqaabta guud. Sidaa daraadeed-na, sida ugu dhakhsaha badan loo fulin doono dilka ay Maxkamaddu ku xukuntay ninkaa Gacan-ku-dhiiglaha ah. Quote Share this post Link to post Share on other sites
