Beledweyne: Confusion and fear as Ethiopians Al Shabaab approach

[General Duke]

War deg deg ah: Cabsi Lixaad leh oo heysata galabta dadka magaalada Baladweyne.

19. maj 2009

 

Baladweyn(AllPuntlan d)- Saacadan lajoogo dadka magaalada Baladweyn ayaa cabsi lixaad leh ay soo foodsaartay markii ay ciidamada Itoobiya ka soo baxeen deegaankii ay saaka soo dageen, una soo dhaqaaqeen dhanka magaalada.

 

Lama garanayo sababta taasi keentay maamulka taageersan Shariif Sheekh Axmed ee jooga gobalka Hiiraan ayaan la garan karin talaabada ay qaadanayaan ee ku aadan ciidamadan dowladda Itoobiya, hadii ay magaalada soo galaan, balse wariyaasha ayaa sheegaya in uusan muuqan diyaar garow dagaal oo ay kooxahaasi ku jiraan.

 

Xubin ka tirsan Maamulka taageersan Shariif Sheekh Axmed oo la hadlay AllPuntland ayaa usheegay in ay doonayaan in ay iska difaacaan Itoobiya, isagoo sheegay in hadii ay isku dayaan in ay dagaal soo qaadaana ay talaabooyin ka qaadi doonaan.

 

Hanjabaadan ayay leeyihiin dadka gobalkaasi waa mid aan ka dhab aheyn Maamulka magaaladaasi, waxaana jira shakiga ku aadan in xubnaha gobalkaasi jooga ay doonayaan in ay helaan awood ay iskaga dhigaan ciidamada ku soo fool leh.

 

Wel-wel culus ayaa haya dadka magaalada Baladweyne, waxa ayna cabsi ka qabaan in ay dagaalo dhacaan oo ay magaalada ku dagaalamaan Al- Shabaab, Maxkamadaha & Itoobiya, waxaana la arkayaa dad badan oo ka qaxaya meelaha qaarkood, isna weydiinaya su'aalo ku saabsan amaanka iyo waxyaabaha socdah.

 

F. C. Geylan

AllPuntland

[General Duke]

Mahadaay: Ciidamada Al- Shabaab & Xisbul Islaam oo ka soo dhaqaaqay gobalka Shabeelada dhexe kuna sii jeeda Magaalada Baladweyn.

 

19. maj 2009

Mahadaay(AllPuntland )- ciidamada Al- Shabaab & Xisbul Islaam ayaa ka dhaqaaqay magaalada Mahadaay ee gobalka Shabeelada dhexe waxa ayna ku sii jeedaan magaalo Madaxda gobalka Hiiraan ee Baladweyne, sida ay xaqiijiyeen saraakiil sare oo ka tirsan Ciidamada halkaasi ka baxay.

 

Ciidamada ka baxay Mahadaay ayaa lugu waramayaa in uu hogaaminayo Col. Xasan C/laahi Xirsi (Xasan Turki), waxaana lugu waramayaa in ay ciidamadaasi ku hubeysan yihiin hubab badan oo ay doonayaan in ay ku qabsadaan guud ahaan goobaha aysan ka talin, sida uu xaqiijiyey maanta afhayeen uhadlay Al- Shabaab.

 

Ciidamadan ayaa ka wada tirsan Al- Shabaab & Xisbul Islaam waxaana ay sheegeen in ay la dagaalami doonaan ciidan walba oo aan ayaga ka tirsaneyn kuna sugan gobalada ay gacanta marinayaan, ayagoo sheegay in ay sidoo kale la dagaalami doonaan cid walboo taageersan dowladda Faderaalka oo jooga meel muuqata.

 

Al- Shabaab & Xisbul Islaam ciidamada ka jooga meelo ka mid ah gobalka Hiiraan ayaa abaabul dagaal ku jira, si ay ugu dhaqaaqaan magaalada Baladweyne, waxaana ay doonayaan in ay taageeraan Saaxiibadooda safarka uga soo baxay degmada Mahadaay ee gobalka Shabeelada dhexe.

 

Ciidamadan ka soo baxay Shabeelada dhexe & colaadaha socda dad badan ayaa walaac ka muujinaya, waxaana Maamulka magaalada Baladweyne ay sheegeen in ay iska difaaci doonaan ciidan walboo weerar ku soo qaada, ayadoo ay sidoo kale magaaladaasi ku dhawaadeen goor dhaw Ciidamadii dawladda Itoobiya ee maanta soo gaaray deegaanadaasi.

 

F. C . Geylan

AllPuntland