Mogadishu: National security forces capture weapons and gang members

[General Duke]

Muqdisho: Hub fara badan oo ay soo qabteen Ciidamada dowlada Soomaaliya.

1. januar 2008

 

Muqdisho(AllPuntland)- Ciidamada dowlada Soomaaliya oo maalmahaan isweyn ugu soo badanayay Magaalada Muqdisho ayaa maanta soo qabtey hub fara badan ,kaasoo ay adeegsanayeen Kooxaha dowlada Soomaaliya ka soo horjeeda ,ayagoo laga soo qabtey degmooyinka gobalka Banaadir ee dalka Soomaaliya.

 

Ciidamadu waxa ay saaka howlgal balaaran ka sameeyeen deegaano ay ka mid yihiin degmada Dharkiinleey ,ayagoo halkaasi ka soo qabtey hub fara badan oo iskugu jira Bambooyinka gacanta laga tuuro ,Hoobiyayaal iyo Waxyaabo kale oo dhamaantood ka mid ah waxyaabaha qarxa.

 

Gudoomiyaha degmada Dharkiinleey ayaa AllPuntland usheegay in ay qabteen hubkan ka dib markii ay heleen Warbixino ku aadan in kooxaha hubkan heystaa yihiin kuwa inta badan dhibaatada ka wada Magaalada Muqdisho ,isagoo sheegay in haatan lasoo qabtey dadkii iyo Hubkii ay adeegsanayeen.

 

Axmed Daaci wuxuu kaloo hoosta ka xariiqey in ay gacanta ku soo dhigi doonaan Xubno wali looga shakisan yahay amnidarada Magaalada Muqdisho ,isagoo taasna sheegay in mar dhaw Saxaafada loo soo bandhigayo marka lugu guuleysto in lasoo qabto.

 

Kumanaan dad ah oo maanta iskugu soo baxay Saldhiga degmadaasi ayaa loo soo bandhigey Hubkaasi fara badnidiisa iyo Noocyadiisa ,isagoo uu halkaasi hadal wacyigalin ah ujeediyey dadka taliyaha ciidamada Booliska ee degmadaasi ,wuxuuna ugu baaqay in ay dadku soo sheegeen Nabad diidayaasha ku dhuumanaya deegaanada gobalka Banaadir guud ahaantiis gaar ahaana degmada ay joogaan.

 

Taliyuhu wuxuu sheegay in ay ciidamadu wadayaan howlgallada ay ku soo qabanayaan Hubabka Sharcidaradaa ee loo adeegsanayo amaandarida Soomaaliya iyo Kooxaha adeegsanaya oo uu sheegay in ay yihiin kuwa ka soo horjeeda Israaca Umada Soomaaliyeeed.

 

Madaxda Duqowda dhaqanka ee degmadaasi oo halkaasi ka hadlayay ayaa mahadcelin balaaran ujeediyey ciidamada Booliska Soomaaliya ,ayagoo sheegay in ay yihiin kuwa doonaya in dalkoodu gaaro nabad waarta ,taasna ay ku mudan yihiin in lagala shaqeeyo.

 

Mid ka mid ah Odayaasha ayaa shaaca ka qaaday in ay gacansiin doonaan ciidamada dowlada Soomaaliya ,isla markaana ay sharci tahay in lasoo gacangaliyo cid walboo ka soo horjeeda amaanka Magaalo Madaxda dalka Soomaaliya.

 

Hubkii maanta lasoo bandhigey ayaa ahaa kii ugu faraha badnaa ee laga soo qabto degmada Dharkiinleey ,ayagoo ay dadweynuhu soo dhaweeyeen talaabada geesinimada leh ee ay ciidamadu Sameeyeen ee ku aadan soo qabashada hubabkan.

 

Faarax C/qaadir Geylan

AllPuntland