Villa Somalia shelled AMISOM execute Camels

[General Duke]

Muqdisho:Duqeyn ku socota xarunta madaxtooyada iyo jawaabo culus oo ka baxaya

13. september 2009

 

APL

 

Muqdisho(AllPuntland )Duqeymo loo adeegsaday madaafiic hoobiyayaal ah ayaa goor dhaw lagu bilaabay xarunta madaxtooyada Soomaliya.

 

duqeymahan ayaa ku habsanaya gudaha xarunta , waxaana lagu kala cararay agagaarka madaxtooyada iyo xaafadaha ku dhaw dhaw si dadka halkaa ka ag dhaw ay uga badbaadaan.

 

Ciidmada Amisom ayaa bixinaya jawaabo xoogan dhincooda , waxaana aan la ogeyn ila hada khasaaraha duqeymahaa la is dhaagfsaday ay geysteen.

 

kala soco wixi ku soo kordha xafiiska wararka Muqdisho AllPuntland

[General Duke]

Ciidamada AMISOM oo xalay Xoolo farabadan ku laayay Magaalada Muqdisho.

 

Muqdisho,(WNT):-Ciid amada nabad ilaalinta Midowga Afrika ee AMISOM ayaa la xaqiijiyay in xalay xoolo farabadan ku laayeen magaalada Muqdisho.

 

Ciidamada AMISOM ee fariisinka ku leh garoonka Magaalada Muqdisho ayaa la sheegay in xalay saqdii dhexe dileen xoolo u badan Geel oo xiligaasi marayay agagaarka garoonka Muqdisho.

 

Qaar ka mid ah dadka ku dhaqan agagaarka garoonka Muqdisho ayaa ku waramay in xalay saqdii dhexe maqlayeen rasaas aad u xoogan markii ay saakay hurdada ka soo tooseena arkay geel farabadan oo yaala agagaarka garoonka Muqdisho.

Dadka ayaa intaasi ku daray in indhahooda ku arkeen ilaa iyo 9-geel oo wada dhintay kadib markii rasaas xoogan ku garaacen ciidamada AMISOM.

 

Geela xalay Ciidamada AMISOM laayeen ayaa la sheegay in uu ahaa mid la doonayay in lagu qalo kawaan ku yaala degmada kaaraan isla markaana inta badan la isticmaalo waaga markuu barto.

 

Waa markii ugu horeysay oo Ciidamada AMISOM dhaco noocaan oo kale ah ka gaystaan gudaha magaalada Muqdisho,mana jirto wax war ah oo ka soo baxay saraakiisha Ciidamada AMISOM.

 

Xafiiska Wararka Waayaha.net,Muqdisho .

[General Duke]

Ciidanka AMISOM oo Rasaas Ku Diley 11 Neef oo Geel ah

 

September 13, 2009 filed under NEWS IN SOMALI · Comments (0)

 

Habeenkii xalay ayaa ciidanka nabad ilaalinta ee AMISOM ee ilaalada ka haya Garoonka Diyaaradaha ee Muqdisho ay ku laayeen 11 neef oo geel ah kuwaan oo ku soo dhawaadey goobaha ay ku sugan yihiin.

 

Kadib ciidanka AMISOM ayaa ka shakiyey Geela ku soo dhawaadey iyaga oo u qaatey in uu yahay qorshe loogu soo dhuumanaayo waxayna goobtii geelu maraayey ooda uga qaadeen rasaas xoog badan taas oo soctey muddo cabaar ah, kadib waxa ay xabadda joojiyeen markii geelu wax jawaab ah ka bixin waayey rasaastii ooda looga qaadey, waxayna ******** waxa ay la dagaalamayaan in uu yahay xoolaaha la dhaqdo ee Geela.

 

Afhayeenka ciidanka AMISOM oo maanta u waramaayey barnaamijka Xog-ogaal ee ka baxa Horseed Media ayaa sheegay in arintaani ku dhacdey si qalad ah iminkana gacanta ay ku hayaan xalintii.

 

Geela ku bakhtiyey rasaastii faraha badneyd ee ciidanka AMISOM ayaa la sheegay in uu ahaa mid loo keenay ganacsi, waxaase geelu ka mid noqdeen dhibanayaasha Muqdisho, Mulkiilayaashii iyo Ciidanka AMISOM ayaa hadda wadahadal uga socdaa Xarunta ay ku leeyihiin Garoonka Diyaaradaha, waxaana ciidanka AMISOM ay ka bixiyeen raali gelin iyaga oo balan qaadey in ay Geela ka bixinayaan magdhaw.

[ANWAR]