TFG H.E. Abdullahi Yusuf arrives in Bosaso enroute to Jowhar for transit to refuel

[Sayyid]

Madaxweynaha DFKMG oo soo gaaray Bosaso

Bosaso:-

 

Madaxweynaha Soomaaliya C/laahi Yusuf Ahmed ayaa maanta wakhti gaaban safar ku maray magaalada Bosaaso asagoo kusii jeeda magaalada Jowhar.

 

 

Madaxweynaha iyo Marwadiisa ayey Airporka kusoo dhaweeyeen Madax sare sare oo ay kamid ahaayeen Taliyaha Booliiska Puntland Gen.Yusuf Ahmed Khayr, Guddoomiyaha Gobalka Bari Muuse Faroole, Duqa Degmada Bosaaso Khadar Cabdi Xaaji Mire iyo mas'uuliyiin kale oo badan.

 

Madaxweynaha ayaa dib uga soo noqday safaro uu ku tagay dalalka Yemen, Itoobiya, Kenya iyo Kuwait.

 

 

Madaxweynaha ayaa kusii jeeda magaalada Jowhar ee Xarunta dowlada.

 

Shalay ayuu sidoo kale magaalada Jowhar ka degay Raysalwasaare Cali Maxamed Geedi oo asaguna kasoo kicitimay dalka Kenya.

 

 

Waa markii ugu horeysay oo uu Madaxweynaha dib ugu soo noqdo dalka, tan iyo intii uu magaalada Cadan kusoo saxiixay Heshiiskii ay wada gaareen Guddoomiyaha Baarlamaanka Shariif Xassan Shiikh oo lagu soo afjaray khilaafkii ku kala dhex jiray Xildhibaanada iyo Dowlada DFKMG Soomaaliyeed.

 

Xassan Ciise

HorseedNet.com

 

(Masawirada Xigasho: Allsbc.com)