Saraakiil ka tirsan DKMG oo tababar loogu soo gaba gabeeyay Uganda.

[Somalina]

Kampala:( Sh. M. Network) In ka badan 60 sarkaal oo ka tirsan ciidamada dowladda KMG Soomaaliya ayaa maanta tababar loogu soo gaba gabeeyay dalka Uganda iyadoo munaasabadii tababarka loogu soo gaba gabeynayana ay ka qeyb galeen masuuliyiin ka tirsan dowladda Uganda.

 

Kadib xaflad balaaran oo maanta ka dhacday Garoonka Mandele Naitonal ee dalka Uganda ayaa maanta waxaa tababar loogu soo xiray 60 sarkaal oo ka tirsan dowladda KMG Soomaaliya kuwaasi oo mudo labo bilood ah halkaasi tababar ku qaadanayay.

 

Goobta ay ka dhaceysay munaasabada soo gaba gabeynta tababarka Saraakiishaani ayaa waxaa ka soo qeyb galay Masuuliyiin ka tirsan dowladda Uganda oo uu ka mid ahaa Ra’iisul wasaare ku xigeenka sedaxaad ahna wasiirka arimaha gudaha, Safiirka Soomaaliya u fadhiya Uganda, talisyada ciidamada Uganda iyo Saraakiil kale oo ka tirsan Hay’adda UNDP.

 

Sarkaalka dhinaca tababarada u qaabilsan dowladda Uganda oo lagu magacaabo General Felix ayaa halkaasi ka sheegay in ciidamadaani mudo labo bilood ah tababar uu uga socday wadankaasi, isagoo tilmaamay in intii tababarkaasi ay wadeen halkaasi uu ku dhintay 19-kii October gaashaanle Max’ed Max’uud oo ka mid ahaa saraakiishii tababarka loo geeyay Uganda.

 

Ra’iisul wasaare ku xigeenka dalka Uganda oo halkaasi hadal ka jeediyay ayaa sheegay in wax lagu farxo ay tahay tababarka maanta loo soo gaba gabeeyay saraakiishaani ka tirsan dowladda KMG Soomaaliya, isagoo sheegay inay sii wadi doonto dowladda Uganda tababarida ciidamada dowladda KMG Soomaaliya.

 

Ugu dambeyntii ayaa qaar ka mid ah saraakiisha tababarka loo soo gaba gabeeyay waxaa halkaasi lagu gudoonsiiyay shahaadooyin muujinaya tababarka ay soo dhameysteen.

[Xaaji Xunjuf]

haye awoowo maanta na ma ugandhad tagteen wa khayr haday wax so barteen tacliintu wa shayga bulshada dhista.

[oba hiloowlow]

saasa la rabaa good news al shabaab maalmahoda ugu danbeeye ay ku jiraan

[Deeq A.]

test