Olole lagu nadiifinayo xarunta shirka dib u heshiisiinta oo ka socota Muqdisho

[ANWAR]

Somaliweyn Media Center (SMC) Muqdisho 15/05/07

 

Waxaa olole nadaafadeed ka bilowday xarunta Gaadiidka Booliska ee magaalada Muqdisho, iyadoo halkaasi ay ka socoto nadaafad isla markaana qashinka ay ka qaadayaan gaadiid, waxaana qabanqaabada ololahan oo ay wado dowladda Hoose la sheegay inuu soconayo muddo afar maalmood ah.

 

Ku xigeenka duqa arrimaha bulshada ee duqa magaalada Maxamed Cusmaan Cali Dhagaxtuur iyo xubno kale oo ka socday D/hoose ayaa iyagu wada howsha nadaafadeed ee ka socota gaadiidka Booliska.

 

Dhinaca kale waxaa markii ay bilaabatay howsha lagu nadiifinayo xarunta gaadiidka Booliska ku soo xoomay dadweyne fara badan oo iyagu iskood isku xilqaamay si ay uga qeyb qaataan ololaha nadaafadeed, waxaana markii ugu horeysay la arkayay in halkaasi ay tageen madax ka tirsan Dowladda Federaalka.

 

Sidoo kale diyaar garowga loogu jiro qabashada shirka dib u heshiisiinta ayay sheegeen warar ku dhow dhow Guddoomiyaha guddiga dib u heshiisiinta Cali Mahdi Maxamed in waqtiga loo qabtay uu dhici doono.

 

http://www.somaliweyn.com/pages/news/May_07/15may33.html

 

...................................

you will se