Muj. Ahmed Mire's Message about the Elections

[Jacaylbaro]

London (Togdhnews)- Mujaahid Axmed Mire Maxamed oo ka mid ah saraakiishii ugu waa weyneyd ururkii SNM, haddana ku sugan Magaalada London ee Dalka Ingiriiska.

 

Mujaahid Axmed Mire Maxamed ayaa qoraal uu maanta ka soo saaray magaalada London u soo Diray TogdheerNews , kaas uu ku Cadaynayo inuu ku sugan yahay carigan ingriiska magaalada London, isla markaana sheegay inaanuu ka mid ahayn xisbiyada ku loolamaya doorashada, Xisbina aanuu ku jirin cidna aanuu si gaar ah u taageerin., Qoraalkaas oo dhamaystiranina waxa uu u dhignaa sidan:---

 

 

“ Marka hore waxaan salaamayaa dhammaan ummada Soomaaliland meel kasta oo ay joogtaan mar labaadka waxa beryahan ku wareegayay magaalooyinka Soomaliland warar kutri kuteen ah oo aan sal iyo raad midna lahayn sidaas darteed aniga oo ah Axmed Mire Mohamed waxaan idiin cadaynayaa inaan ku suganahay carigan ingriiska magaalada London Ma iman dalka waxa kale oo aan idiin sheegayaa inaanan ka mid ahayn xisbiyada ku loolamaya doorashada. Midna ku ma jiro cid aan gaar u taageerayaana ma jirto. Cid kasta oo dacaayad rakhiis ah adeegsatana waxaan leeyahay naftiina ku kalsoonaada oo beenta ka fogaada oo muujiya masuuliyad. Aniga magacaygu waa ka weyn yahay mid shaabad laga dhigto waxaan doonayana hadh cad baan u badheedhaa. Cidii aniga dan iga leh ha soo badheedho jawaabtoodana way heli. Dadweynow yaan magacayga la idnku qaldin!

 

Guud ahaan axsaabta dalka iyo dadweyneba waxaan idinku adkaynayaa inaad nabadgelyada ilaalisaan oo beent, cayda, xasarada, xumo taliska, hayb ku faanka, dulmiga, iyo dhammaan wixii kala irdaysiinaya dadka ee qaranimada dhaawacaya oo burbur idiin horseedaya inaad ka fogaataan. Doorashadu waa maalin waana dhammaanaysaa laakiin dalku waa ma guuraan.

 

Xisbiga dalka taladiisa hunguri ka hayow ha idinka muuqato qadarin, xishood, masuuliyad iyo xishmaynta dadka iyo dalkaba.

 

Meel dhow wax ha ka eegina ee meel dheer wax ka eega degenaansho iyo dulqaadna ku dara. qofwalowba adigoo ilaahay ka cabsanaya codkaaga cida aad u aragtid inay dalka iyo dadkaba daacad iyo waxtar u tahay ku hubso codkaaga.

 

Waxaan idiin rajaynayaa in doorashadu nabadgelyo ku dhammaato oo loo hoggaansamo natiijada ka soo baxda ” .

 

 

wa billaahi towfiiq.

 

Mujaahid Axmed Mire Maxamed

[Jacaylbaro]