Emperor Posted October 31, 2008 Amniga Garowe oo la sheegay in la adkeenayo Horseed Media Garowe, Puntland Caasimada Puntland ee Garowe ayaa lagu qabtay maanta kulan looga hadlayey adkeynta Amaanka gobalka Nugaal iyo magaaladaasi, xili ay shalay magaalada Bosaso iyo Hargeysa ka dhaceen qaraxyo bambaano oo lala beegsaday xarumaha Dowlada. Magaalada Garowe ayaa lagu wadaa in laga bilaabo abaabulo lagu adkeenayo amniga xili ay soo cusboonaanayaan qaraxyada ka dhacaya magaalooyinka dalka Soomaaliya, magaalada Baydhabo ee xarunta gobalka Bay ayuu maanta ka dhacay Qarax xoogleh oo ay dad ku dhaawacmeen. Ayadoo weerarkan Baydhabo lala beegsaday ciidamo Booliis ah oo jidka maraya, inkastoo dhamaan dadka wax ku noqday ay ahaayeen dad shacab ah. Kulan ka dhacay maanta magaalada Garowe ayaa lagu sheegay in ciidamada amniga ay bilaabi doonaan hawlgalo dheeraad ah oo lagu adkeenayo amaanka magaaladaasi. Qaraxyadii shalay ka dhacay Bosaso iyo Hargeysa ayaa ahaa kuwo noocoodii ugu horeeyey ah oo ka dhaca dalka Soomaaliya, ayadoo weeraradaasi loo adeegsaday gaadiid gaaraya 5 gawaarida surfaha loo yaqaan ayadii wakhti isu dhaw la fuliyey. Weeraradan ayaa ahaa kuwo ay fuliyeen dad is qarxiyey oo naftooda huray, ayadoo weerarada noocaan ah horey aan looga baran dalka Soomaaliya gaar ahaan gobalada Waqooyi ee Puntland iyo Somaliland. Quote Share this post Link to post Share on other sites
