Mogadishu: Bakara market shelled killing maiming more civilians

[General Duke]

Shacab ku dhintay duqeyn lala beegsaday Suuqa Bakaaraha

 

October 15, 2009 filed under NEWS IN SOMALI · Comments (0)

Shacab ku dhintay duqeyn lala beegsaday Suuqa Bakaaraha

 

A civilian man who was wounded by mortar shrapnel during clashes between Somali insurgents and African Union troops, arrives at the Medina hospital to seek medial aid in Mogadishu, Thursday, Oct. 15, 2009. (AP Poto/Farah Abdi Warsameh) | read this item Hosting, domain names, register your domain

Horseed Media

Muqdisho, Somaliya

 

Waxaa maanta markale duqeyn lala beegsaday suuqa ugu weyn ee magaalada Muqdisho ee Bakaaraha oo ay maanta dad shacab ah ku dhinteen kadib markii ay halkaasi ku soo dhaceen dhawr madfac.

 

Duqeyntan ayaa kusoo beegantay xili ay maanta magaalada Muqdisho ka dhaceen iska horimaadyo dhexmaray ciidamada AMISOM iyo maleeshiyooyinka kooxaha kasoo horjeeda dowlada.

 

Kooxo hubeysan ayaa maanta weerar kooban ku qaaday xarunta Ciidamada AMISOM ee kasoo jeeda Burundi ee fadhigoodu yahay Kuliyadii hore ee Jaale Siyaad.

 

Iska horimaadkaasi ayey sheegeen ciidamada AMISOM inuu ahaa mid kooban oo ay rasaas kusoo tureen kooxo hubeysan kadibna baxsadeen.

 

Ciidamada Burundi ayaa wax laga weydiiyey in duqeyntii maanta ka dhacday suuqa Bakaaraha ay jawaab u ahayd weerarkii ayaga maanta lagu qaaday.

 

Afhayeenka Ciidamada AMISOM ayaa sheegay inaysan jirin wax duqeyn ah oo ay ku qaadeen suuqa Bakaaraha, asagoo sheegay in weerarkii lagu soo qaaday iyo duqeyntii suuqa aysan isku xirneyn, asagoo intaa ku daray ineysan la socon cida duqeysay suuqa bakaaraha.

 

Ugu yaraan 2 ruux ayaa ku dhintey duqeyntii suuqa Bakaaraha, waxaana ku dhaawacmay 5 ruux oo kale, ayadoo waqooyiga suuqaasi ay maanta kusoo dhaceen ugu yaraan 4 madfac.

 

Horseed Media

[General Duke]

Muqdisho:War deg deg ah :Duqeymo xoogan oo ku socda S/Bakaaraha

15. oktober 2009

 

Muqdisho(AllPuntland)Madaafiic xoogan ayaa goor dhaw si weyn looga qaraacay S/Bakaaraha ee magaalada Muqdisho kuwaas oo ka so dhacayey xarumaha ciidamada Amisom .

 

Duqeymahan ayaa markii ay bilawdeen waxaa lagu kala cararay wadooyinka koowaad iyo labaad ee suuqa , iyadoo dadkuna ay bilaabeen in ay ku xaroodaan meelo ay gabaad kaga heli karaan.

 

Sarkaal ka tirsan gawaarida gurmadka deg deg ah ayaa sheegay in uu qaaday dhaawaca 6-qof iyo meydadka ilaa 2-qof oo dhamaantood ay dhibaatada ka soo gaartay duqeynta.

 

Goobaha ganacasiga ayaa irdaha la isugu dhuftay , waxaana suuqa uu mar qura isu badalay lama dagaan.

 

Wixi ku soo kordhaa kala soco AllPuntland Muqdisho