Gabbal Posted June 5, 2007 Hogaamiyeyaasha Dhaqanka J/Hoose oOo U Ambabaxay Joojinta Colaada Galbeedka Kismaayo Jun 05,2007 by Kismaayo-GEDO-NN In ka badan 25 xubnood oo isugu jira waxgarad iyo culumaaudiin ka soo jeeda Beelaha dega gobolka j/hoose ayaa Maanta u ambabaxay Tuulada beerxaani ee galbeedka kismaayo halkaas oo maalintii 3aad ay ku dagaalamayaan Reer guraa ka tirsan Beelaha Gaaljecel iyo ****. Odayaashaan oo uu hogaaminayo Ugaaska Beesha cawarmale Ugaas xuseen Hafow ayaa waxaa sidoo kale xubno ka ah suldaamada Beelaha **** iyo Gaaljecel ee Maleeshiyooyinka ku abtirsada Beelahooda ay ku dagaalamayaan Dhulka miyiga ah ee Beerxaani. Ugaas Xuseen Hafow ayaa sheegay in ay ku rajo wayn yahay joojinta dagaalka soconaya oo sababay in boqolaal qoys ah oo reer guuraa ah ay ku barakaceen markii kooxaha dagaalamaya ay colaada sii baahiyeen. Ugaas hafow waxaa uu xaqiijiyay in labada beelood ay talada u dhiibeen odayaasha beelaha kale sidaas awgeedna ay wadaxaajood ku dhamayn doonaan xiisadaha Beerxaani oo salka ku haya aano qabiil. Wararka maanta laga helayo beerxaani waxaa ay sheegayaan in Saaka uu dagaal halkaas ka qarxay waxaana adag in la ogaado qasaaraha maanta in ta uu la egyahay, waxaase cabsi laga muujinayaa xaalada dhaawacyada maadama gobo caafimaad aysan ku ool deegaankaas. GEDO-NN-Kismaayo News Desk Quote Share this post Link to post Share on other sites
