XUSUUS BEEL

[Jacaylbaro]

Waxa jirtay sheeko laga weriyey qoraa u dhashay qaaradda koonfurta Ameerika oo ah in beri hore uu ku dhacay bulsho meel degganayd xanuun la yidhaa illowsho oo ka dhashay seexan-waa ama hurdo la’aan la soo deristay. Lama oga in bulshadaasi qaadka cuni jirtay waxase la ogaa inay awoodi waayeen inay seexdaan, mar kasta oo ay indhaha isku qabsadaan si ay u seexdaanna waxa hor imanayey riyooyin tiro badan oo xataa qofku wuxu arkayey riyada qofka kale ku riyoonayo.

 

Bilowgii hore qof kastaa wuxu u haystay in keligii hurdo la?aantu ku dhacday, waxayse ku noqotay fajac markuu arkay magaaladii oo dhan oo aan seexan oo siday u soo jeeday waagii u beryey, haddana waayyo kale ugu beryeen siday u soo jeedeen.Markii hore waabay ku farxeenoo waxay yidhaahdeen waqtiga badan ee aynu soo jeedno aynu wax badan qabsanno si aynu dunida innaga horraysa u gaadhno.Laakiin hurdo la?aantii iyo soo jeedkii badnaa dhibaato kale ayey la yimaadeen. Qof kastaa wuxu isku deyey inuu nafta daaliyo, inuu sariirta isku celiyo bal inuun inay wax hurdo ahi u timaad. Dadkii waxay ******** inaan jidhku sidiisaba daalin oo aanu u baahnayn hurdada balse maskaxdu marka ay in badan soo jeeddo ay masaxanto oo wixii ku jiray oo dhammi ka baaba’o taasoo keenta xanuun kale oo illowsho la yidhaado. Waxa la garan waayey waxa hurdo la,aantan laga qaaday, waxa laga gayn waayey in cuntada iyo biyaha laga qaaday mar hadday dadkii wada asiibtay.

 

Waxa hurdo la’aantaasi ama soo jeedkaasi keenaa xusuusta oo lunta iyo illowsho uu qofku wax walba illoobo. Illowshu wuxu ka soo bilaabmaa dhallaanimadii. Qofku wuxu illoobaa xusuustii dhallaanimo, kaddib wuxu illoobaa marxaladihii uu soo maray oo dhan, wuxu noqdaa qof aan tagto lahayn oo la moodo in wax kastaa eegga bilow u yihiin.

 

Dadkii bulshadaasi ka koobnayd dhibaato weyn baa la soo deristay. Waxay illoobeen waxyaabihii ku xeernaa, waxay illobbeen magacyadoodii iyo magacyadii alaabta ay isticmaalayeen. Waxay gaadheen heer qofku illaawo oo garan waayo aabbihii, hooyadii, ilmihiisa, saaxiibkii, iyo cadowgii.

 

Nin dadkii ka mid ah baa fikiray oo shay walba magaciisa ku dul qoray sida kursi, miis, saacad, albaab, iwm si haddii la illaawo loo akhriyo sidaas baanu qof kasta faray inuu yeelo. Xoolihii, xayawaankii iyo dhirtiina wuxu mid kasta ku dul qoray magaciisa sida, sac, ri, muus, cambe, iwm. Haddana waxa timid in shaygan la akhriyayo la illaawo wixii lagu isticmaalayey, in matalan la garan waayo waxa kursigu yahay. Si taasi looga hor tagona wuxu sameeyey inuu ku dul qoro wax kasta wixii lagu isticmaalayey sida: kani waa sac, caano ayaa laga maalaa oo waa la cabbaa?

 

Haddana illayn waa dad maskaxdii masaxantee illowshihii iyo xusuus beelkii way ku sii bateen, waxa la garan waayey waxa sacu yahay, waxa caanuhu yihiin ilaa qofkii wax walba illaaway, dadkii iyo dameerihii kala garan waayey, gurigiisii illaaway wuxuu cunayey illaaway, oo xataa isagii is illaaway oo noloshii iyo geeridiiba illaaway.

 

 

Qoraa: Xasan C. Madar

Hargeysa/Somaliland.

[Yaabka-Yaabkiis]

kkkkkkkkkkkkkkkk, Bismilaahi

[Che -Guevara]

I think he is referring the story of Macondo from the novel One Years of Solitude by Gabo. What's the point of his piece though?