M.Wynaha Somalilan Md. Siilaanyo Oo Kulan Layeeshay Prime minsterka Ethiopia M.Zenawi

[Saalax]

 

Madaxweyne Somaliland Md. Siilaanyo Oo Kulan Layeeshay Raysal Wasaaraha Ethiopia Males Zenawi

Addisababa(OWN)- Raysal Waraaha Dawlada Fadaraalka Ethiopa Md.Meles Zenawi ayaa maanta Qasiga Madaxtooyada ku qaabilay Madaxweynaha Somaliland Md Axmed Maxamed Siilanyo.

Labada Hogaamiye ayaa waxa ay wararku tibaaxayaan in ay ka wad hadleen xidhiidhka u xadheeya labada wadan iyo sidii loo dardar galin lahaa, waxa ay wararku sheegayaan in Raysal Wasaare Meles Zenawi uu si weyn u soo dhaweeyey Madaxweynaha Somaliland isaga oo sheegayna in u si kal iyo laab leh u soo dhawaynayo Madaxweyne Axmed Siilaanyo, waxa kale oo uu xusay Md.Zenewi in doorashadii ka dhacday Somaliland ay mudnay mid la hambalyeeyo, doorashadaas oo uu ku guulaystay Madaxweyne Siilaanyo, waxaanu sheegay in Somaliland ka soo gudbtay xaalado fara badan taas oo uu ku sheegay in shacbiga Somaliland ay muujiyeen dhabr adayga.Madaxweynaha Somaliland ayaa isna geestiisa uga mahad celiyey sida Saaxiib tinimada leh iyo sida heerka sarena ah ee loo soo dhaweeyey waxaanu Meles Zenawi ku tilmaamay haleyey Geeska Afrika, ah waxaanu si xoog leh uga mahad celiyey soo dhawaynti iyo qaabilaada kalgacaltooyo ee dawlada Ethiopia ku qaabishay isaga iyo waftigiisa.

 

Madaxweyne Axmed Siilaanyo ayaa balanqaaday in uu sii xoojinayo xidhiidhka u dhaxeeya labada dal u dhaxeeya kaas oo ah mid qaan gaadha waxaanu ka waramay Madaxweynuhu taariikhda Somaliland iyo Xidhiidhka U dhaxeeyey labada daladood. Kulan ay yeesheen labda dhinaca ayaa waxa Somaliland uga qayg galay Madaxweynaha Somaliland Md. Axmed Maxamed Siilaanyo, Wasiirka arimha Dibada iyo iskaashiga Caalamiga ah Dr. Maxamed C/laahi, dhinaca Xukuumada Ethiopiana Raysal wasaare Meles Zenawi iyo wasiirkiisa arimaha Dibada ahan Raysal wasaare ku xigeenka dalka Ethiopia Hailemariam Desalegn iyo Madax kale. Ugu danbayntii Waftiga Madaweynaha Jamhuuriyada Somaliland Hogaaminayo waxa qado sharaf ugu sameeyey Hotel Shereton Wasiirka Arimaha Dibada ee Ethiopia ahna Raisal wasaare ku xigeenka Ethiopia Hailemariam Desalegn.