Juje Posted November 7, 2007 Banaanbax ka dhan ah ciidamada Ethiopia oo maanta ka dhacay Muqdisho Mogadishu 07, Nov. 07 ( Sh.M.Network)- Dibadbax looga soo horjeeday joogitaanka ciidamda Ethiopia ee dalka Somalia iyo dilalka ay geeysanayaan ayaa maanta ka dhacay wadada 30ka ee Magaalada Muqdisho Dad gaaraya boqolaal ruux oo isugu jira caruur, haween watayna boorar ay ku asteeysanaayeen erayo ka dhan ah Ciidamda Ethiopia ee ku sugan dalka Somalia ayaa maanta isgu soo baxay xaafadaha ku teedsan wadada 30ka. Dibadbaxayaasha ayaa socodkooda ka bilaabay isgooyska Carwa Idko waxa ayna socdeen illaa warshadii hore ee Caanaha iyagoo gubayayna Taayero kuna qeeylinayay ereyo ka dhan ah howl-galada ciidamda Ethiopia ee ay ka fulinayeen qeeybo ka mida xaafadaha gobolka banaadir iyo dilalka arxan darada ah ee ay geeysanayaan. Guud ahaan waxaa hakad la galiyay isku socodka gaadiidka ee wadadaasi intii ay ka socdeen dibad baxyada si loo xakameeyo qaab sami u socodka banaanbaxaasi. Dibadbaxyada ka dhan ah ciidamda Ethiopia iyo kuwa dowladda Somalia ayaa waxaa ay ku soo beegmayaan xili maamulka gobolka Banaadir uu soo saaray wareegto ay ku mamnuucayaan qabashada isku soo bax aan maxkamada gobolka banaadir looga heeysan ogolaashiyo in uu ka dhaco Magaalada Muqdisho. Sidoo kale waxa ay ku soo beegamayaan banaanbaxyadaan xilli maalmihii la soo dhaafay magaalada Muqdisho lagu arkay meydadka dad kor u dhaafaya 8 ruux oo intooda badan ay dileen ciidamada Ethiopia. Quote Share this post Link to post Share on other sites
