Mogadishu: security improves as National Forces take to streets

[General Duke]

Muqdish:-Howlo Ammaan Sugid ah oo Saakay Ciidanka Dawladdu Ay ka Bilaabeen Magaalada Muqdisho.

 

Muqdish:-{Sanaagpost}Howlgallo ballaaran oo ku saabsan adkaynta ammaanka magaalada Muqdisho ee xarunta Dalka Soomaaliya,

Ayaa saakay si siman uga bilowday degmooyin badan oo ka mid ah magaalada Muqdisho,

kaasi oo lagu micneeyey in uu yahay mid la doonayo in lagu sii adkeeyo nabadgalyada Magaalada oo maalmihii ugu dambeeyey aad u deganayd.

 

Ciidanka ayaa baaritaanno dheeri ah ku samaynayey saakay gaadiidka dadweynaha ee iskaga gooshaya degmooyinka gobolka Banaadir,

Waxaana jira dad ciidanku ay qab-qabteen intii ay howlgalka ku jireen si loo hubiyo dhaq-dhaqaaqyo ay wadaan dadka la qab-qabtay,

 

Ma cadda ujeedooyinka ugu waaweyn howlgalka ammaan ee saakay ciidanka dawladdu ay ka bilaabeen magaalada Muqdisho,

 

Waxaana warar hoose oo ay heshay idaacadda Shabakada Wararka ee Sanaagpost ay sheegayaan suurta galnimada in ay jiraan wafuud ka soo degaysa Garoonka ama ka dhoofaysa.

 

Magaalada Muqdisho ayaa maalmihii ugu dambeeyey xaaladeeda ammaan waxay ahayd mid soo roonaanaysa mana jirin iska hor imaado xoog leh oo magaalada ka dhacay.

 

Ismail Yusuf Esse