Jacaylbaro Posted February 22, 2007 Mogadishu 22, Feb.07 ( Sh.M.Network) Dowladda KMG ah ee Somalia ayaa walaac ka muujisay sida ay isku hubeeyeen qaar ka mid ah hogaamiye kooxeedyada magaalada Muqdisho. Sida ay qortay wakaaladda wararka AP, Mas'uul dhinaca amaanka oo ka tirsan dowladda KMG ah oo ka gaabsaday magaciisa ayaa sheegay in 3 hogaamiye kooxeed oo mid ka mid ah uu yahay xubin ka tirsan Baarlamanka Somalia ay dib isku hubeynayaan, taasoo walaac ay ka muujisay dowladda Somalia. Xildhibaan Max'ed Qanyare Afrax, Max'ed Dheere iyo Cabdi Nuure Siyaad ayaa la xaqiijiyay in ay iibsadeen hubka ugu badan ee yaala suuqyada hubka ee magaalada Muqdisho 3dii cesho ee la soo dhaafay. Arintaan ayaa haddii la xaqiijiyay waxa ay walaac galineysaa xaaladda Amaan ee dalka Somalia, waxaana ay qireysaa in hogaamiye kooxeedyada ay dib u soo laabteen, inkastoo hubka dhigis horey loogu sameeyay. Wararka laga helayo ayaa waxa ay sheegayaan in hogaamiye kooxeedyada ay ka dambeeyaan weerarada ka dhacaya magaalada Muqdisho ee lala beegsanayo fariisimada ciidamada dowladda iyo kuwa Ethiopia. Dowladda Somalia ayaa horey ugu eedeysay weerarada ka dhacaya magaalada Muqdisho waxa ay ugu yeertay haraadigii Maxkamadaha islaamka. Q.M ayaa todobaadkii la soo dhaafay waxa ay sheegtay in dib u soo laabashada hogaamiye kooxeedyada ay halis ku tahay howlaha samafalka bani'aadnimo ee loo fidin lahaa dadka u dhibaateysan. Quote Share this post Link to post Share on other sites
