General Duke Posted January 31, 2005 Sarkaal Ka Tirsanaa Ciidamadii Qaranka Soomaaliya Ayaa Galabta Lagu Dilay Magaalada Muqdisho Posted to the Web Jan 31, 16:34 Muqdisho:-Wararka ka imaanaya magaalada Muqdisho ayaa sheegaya in galabnida maanta ah lagu dilay sarkaal sare oo ka tirsanaa ciidamadii Qaranka Soomaaliyeed xaafada Yaaqshiid, meel u dhow jidka Fagax ee magaalada Muqdisho. Sarkaalkan ayaa lagu soo waramayaa in ay toogasho ku dileen Laba nin oo ku hubeysnaa bastoolado, isla markaasna ay baxsadeen. Lama yaqaan ujeeddada ka danbeysa dilalka loo geysanayo Saraakiisha sare ee ciidamadii Soomaaliyeed ee weli Muqdisho baaqiga ku ah, iyadoo sarkaalka maanta la dilay oo lagu magacaabo Xirsi Dhoore uu yahay kii Sideedaad ee caynkan oo kale lagu khaarijiyo. Waxaa jira warar sheegaya in dilalka Saraakiisha Soomaaliyeed ay ka danbeeyaan kooxo ka dhan ah hanaanka dowladda Federaalka Soomaaliya oo codsatay in ay ciidamo shisheeye wadanka Soomaaliya la keeno. Isha warka: Radio Midnimo Xuquuqda daabacaadda: Puntlandpost.com Quote Share this post Link to post Share on other sites
