They are summoned again..

[Dhubad.]

When will this end? For nearly five years they have spent their time going back and forth to Ethiopia to be reconciled by a Habashi...they should die of shame.

 

===================================================

 

Madaxweyne Yuusuf iyo Ra’isul wasaare Nuur Cadde oo wada gaaray magaalada Adiss Ababa ee dalka Ethiopia.

Posted: 11/13/2008 11:42:00 AM

Shabelle: ADISS ABABA

 

 

Madaxweynaha dowlada KMG Soomaaliya Cabdullaahi Yuusuf Axmed iyo Ra’isul wasaare Nuur Xasan Xuseen (Nuur Cadde) ayaa waxaa ay shalay galinkii danbe iyo Xalay waqatiyo kala duwan gaareen magaalada Adiss ababa ee dalka Ethiopia iyagoo ka kala kicitimay magaalooyinka London iyo Nairobi ee wadanada Ingariiska iyo Kenya.

 

 

 

Socdaalka ee labada masuul ee magaalada Adiss Ababa ayaa waxaa idaacada Shabelle u xaqiijiyay Safiirka dowlada Soomaaliya u fadhiya Ethiopia Siciid Cilmi.

 

 

 

Warar ka agdhow labada masuul ayaa sheegaya in labadaba looga yeeray magaalada Adiss Ababa ee dalka Ethiopia kadib markii uu soo ifbaxay qilaafka u dhexeeya labada masuul ee salka ku haya dhismaha xukuumada Cusub ee laga sugayo.

 

 

 

Madaxweynaha ayaa waxaa uu diidanyahay in uu saxiixo magacyada xubnaha wasiirada ee uu u gudbiyay Ra’isul wasaare Nuur Cadde kuwaasi oo loogu talagalay in ay badalaan wasiiradii horay isku casilay ee kadibna baarlamaanka KMG Soomaaliya kalasoonida uu kala laabtay.

 

 

 

In kastoo aan si rasmi ah loo shaacin cida labada masuul ku casuuntay magaalada Adiss Ababa ayaa hadana waxaa ay wararka sheegayaan in uu u yeeray Ra’isul wasaaraha dalka Ethiopia oo si weyn uga carooday qilaafka Soo noq noqday ee u dhexeeya Madaxweyne Yuusuf iyo Ra’isul wasaare Nuur Cadde.

 

 

 

Arinta ugu weyn ee uu doonayo madaxweynaha ayaa ah in la wada Casilo dhamaan xubnaha xukuumada Ra’isul wasaaraha lana soo dhiso Xukuumada dhamaanteed wada Cusub hadii kale xubnaha Cusub ee la soo magacaabayo lagu soo daro wasiiradii horay isku casilay ee madaxweynaha ku fikirka ahaa maadaama wasiirada aan iscasilin ee xilalkooda loo daayay ay la safan yihiin dhanka Ra’isul wasaaraha.

 

 

 

Waa markii 2-aad ee madaxweyne Cabdullaahi Yuusuf Axmed iyo Ra’isul wasaare Nuur Cadde Looga yeero magaalada Adiss Ababa si loo dhameeyo qilaafkooda iyadoo dadka naqdiya siyaasada labada masuul ay qabaan in ay sharaf dhac ku tahay dowlada Federaalka ah u yeerida nuucan ah waxana tani ay si cad meesha uga saareeysaa sheegashadii aheeyd in shirkii Kenya lagu soo afmeeray qilafkii dowlada Federal-ka ah oo markale soo ifbaxay hada in kasta oo madaxda dowlada ay afka ka sheeganayaan in ay raali iska yihiin hadana uurka ay ku kala tagsan yihiin.