Djabouti delegation in PUNTLAND:aid for Tsunami victims

[General Duke]

La taliyaha Madaxweynaha Jamhuuriyadda Jabbuuti

oo Maanta soo gaaray Garoowe

 

Wafdi ka socda Jamhuuriyadda Jabbuuti oo uu hogaaminaya la taliyaha madaxweynaha Jamhuuriyadda Jabbuuti Nin lagu magacabo Xaashi Cabdullaahi Qodax ayaa maanta soo gaaray Magaalada Xaruunta u ah Ismaamul Goboleedka Puntland ee Garoowe.

 

Wafdigan oo ay soo dhaweeyen xubno ay ka mid ahaayen wasiirka dhallinyarada iyo isboortiga Siciid Jaamac Qoorsheel iyo agaasimaha guud ee wasaaradda caafimaadka Dr. Cabdi Cawad ayaa ujeedada socdaalkooda waxay la xiriirta kaalmo dowladda Jabuuti ugu deeqday dadkii waxyeelada ka soo gaartay mowjadihii Badweynta hindiya ka dhashay, deeqdaas oo isugu jirtey cunto oo uu miisaankeedu yahay ilaa 10 tan, waxaana la gaarsiin doonaa dadka soomaaliyed ee dhibaatada ka soo gaartay badda.

 

Caawa ayaa la filaya in ay madaxweynaha Puntland casho sharaf ku qaatan Xaruunta Madaxtooyada Puntland ee Garoowe, iyagoo isla soo qaadi doona arrimaha siyaasadda ee dalka soomaaliya.

 

Nuuradin Macalin Mukhtaar (Dinow) nuradin007@hotmail.com

Midnimo Information Center

Xafiiska Midnimo ee Muqdisho wararka@midnimo.com

[General Duke]

Pictures of Djabouti delegation in Garowe

 

www.allpuntland.com