More nightmare for Ethiopia, order returning to Mogadishu.

[Jabhad]

Wararkii ugu dambeeyay ee arrimaha Soomaaliya

 

Saaka ayaa lagu arkayay Ciidamada Maxkamadaha Islaamiga oo lebisan Dharka Ciidamada iyagoo taa taagan Isgosyada waa weyn ee Muqdisho

 

Waaberigii Saaka ayaa Ciidamo ka tirsan Maxkamadaha Islaamiga ee Magaalada Muqdisho ka howlgala ayaa lagu arkayay iyagoo lebisan dharka Tuutaha loo yaqaano iyagoo taa taagan Isgosyada waa weyn ee Magaalada Muqdisho, iyadoo qorshan dad badan u arkeen mid Maxkamadaha ku ilaalinayaan Nidaamka Waddooyinka.

 

Ciidamadan oo ku hubeysan Baabuurta dagaalka ayaa waxay ahaayeen dad aad u asluubeysan, ilaalinayeen Anshaxa Waddooyinka, iyagoo Baabuurta dadweynaha ku amrayay in ay ilaaliyaan qaabka Wadada loo istaago.

 

Howlgalkan Ciidamada oo ku soo aaday xilli xiisada dagaal u dhaxeysa Maxkamadaha iyo Dowladda Soomaaliya ayaa saaka xaaladda Isgosyadaas waxay ahayd mid ka duwan xaaladihii hore oo Baabuurta dadweynaha mid kasta meeshii uu doono istaagayay.

 

Dhinaca kale Magaalada Muqdisho dadka ku dhaqan ayaa shalay ilaa iyo xalay waxay si weyn u hadal haayeen xaaladda cusub ee Degmada Buurhakaba, iyadoo dadka qaarkiis welwel fara badan ka muujinayeen dagaal cusub oo ka dhaca Soomaaliya, halka kuwa kale laga maqlayay iyagoo dhahaya waxaan diyaar u nahay Jihaad lala galo Dowladda C/llaahi Yuusuf iyo Ciidamada Itoobiyanka ah.

 

http://www.midnimo.com/october1/22_10_isgoysyda_muqdisho_oo_saakay_ay_taagnaye_ciidamada_maxkamadaha.htm