Bossaso: Police apprehend suspect in bombing

[General Duke]

Bosaso: Nin loo qabtey qarax

2 Nov 2, 2009 - 1:24:01 PM

 

Qof Bam gacmeed ku tuurey xarun Boolis oo ku taala magaalada Bosaso ayaa waxaa caawa gacanta ku dhigey ciidamada Booliska.

 

Saldhigaan oo lagu magacaabo Minjir oo ku yaala xaafadda Biyo-kulule ayaa wararku shegayaan in qofkaan la qabtey iyo mid kale oo baxsadey tuureen Bamkaan sababey in taliyaha saldhiga dhaawac fudud kasoo gaaro.

 

Lama oga dadka ka dambeeya qaraxaan xili ciidamada amniga adkeeyeen amaanka goobaha muhiimka ah ee magaalada Booliska.

 

Sarakisha Boliska oo la hadley Garowe Online ayaa sheegaya in dhacdoyinkan ay la xiriirinayaan markii ciidamada amniga ay dhowaan qabteen Afar qof ee lala xiriirinayo ururka ONLF.

 

Dhinaca kale warar aan la xaqiijin ayaa Garowe Online u sheegay in qofka la qabtey uu kasoo jeeda dadka ka yimid gobolada Somalida Ethiopia kuwasoo ganacsi iyo degaan balaaran ku leh magaalada Bosaso.

 

Saldhiga lagu tuurey Bamka ayaa ku yaala xaafad ay maamuladii hore ee Puntland ka rimin jirey aysan ku guuleysan furidda saldhiga taasoo maamulka cusub hirgaliyey.

 

GAROWE ONLINE