Jacaylbaro Posted August 12, 2008 Dagaal xoogan ayaa saaka ka qarxay deegaanka Yaaqbariweyne ee gobolka Shabeelada Hoose halkaasoo ay isku fara saareen Xoogaga Dagaal yahanka Al-shabaab Iyo Ciidamada Ethiopia iyadoo laysu adeegsanayo Hubka Noocyadiisa kala duwan . Dagaalkan oo la sheegay in Ciidamo kolonyo ahaa kuwa ethiopia ah ay uga Gudbayeen wadada isku xirta baydhabo iyo Muqdisho ay Jidgooyo u dhigeen xoogaga dagaal yahanka kasoo horjeeda joogitaanka ciidamada shisheeye iyo siyaasada dowlada halkaasoo laga soo sheegayo khasaare ka dhashay qaraxyo loo gaystay ciidamada ethiopia . Sidoo kale lama Oga tirada rasmiga ah ee dhimashada iyo dhaawaca ka dhashay dagaalkan taasoo loo sababaynayo dagaalka oo soconaya awgeed . Maaha markii Ugu Horaysay ee dagaal ku dhex maro deegaanka yaaqbari weyne ciidamada ethiopia iyo xoogaga kasoo horjeeda iyadoo asbuucii hore Horaantiisii ay dagaalo xoogani ku dhex mareen agagaarka deegaankaasi xoogaga al-shabaab iyo ciidamada isku jira ah ee dowlada iyo Ethiopia Quote Share this post Link to post Share on other sites
