Bossaso: Arab delegation from Oman, UAE , Qatar Bahrain visit Puntland: PICS

[General Duke]

Wafdi Carbeed oo booqasho gaaban ku yimid Boosaaso

C/qaadir Nuunow, Boosaaso

 

Waxaa maanta magaaladan Boosaaso ee xarunta gobolka bari soo gaaray wafdi ka kala socda qaar ka mid ah dalalka Khaliijka.

 

Wafdigan oo tiradoodu ay ahayd 9 waxay ka kala yimaadeen dalalka Qadar, Kuweyt, Imaaraadka Carabta, Baxreyn iyo Cummaan.

 

Waxaana ay u yimaadeen inay ka qeybgalaan xafladda furitaanka Maxjarka xoolaha ee laga dhisay magaaladan Boosaaso.

 

Maxjarkaasi waxaa maalgeliyay Suleymaan al-Jaabiri oo ah ganacsade Sacuudiyaan ah waxaana kala shaqeeyey mashruucaaasi Shirkadda xoolo dhoofinta Soomaaliyeed ee Ex al-Furqaan iyo maamul goboleedka Puntland oo tallaabadaasi gacamo furan ku soo dhoweeyay.

 

Xaflad ballaaran ayaa lagu qabtay Maxjarka oo xariga uu ka jaray madaxweynaha maamul goboleedka Puntland Jeneraal Cadde Muuse Xirsi.

 

Madaxweyne Cadde ayaa soo dhoweeyay maxjarkaasi wuxuuna sheegay inuu wax weyn u tari doono guud ahaan ummada Soomaaliyeed gaar ahaan shacabka ku dhaqan gobollada Puntland.

 

Waa mashruucii ugu ballaarnaa ee ka hirgala deegaanada Puntland.

[General Duke]