Khasaaraha Dhabta ah ee Dagaalkii Widhwidh

[A_Khadar]

Widhwidh:-Ciidamada xaq-udirirka SSC ayaa habeen hore waxaa ay weeraro is daba joog ah ku qaadeen bartilmaameedyo ay fadhiyeen Jabhadda SNM halka loo yaqaan Kaarayaasha oo dhanka bari ka xiga Magaalada Widhwidh, waxaana ay ciidmada Cadowga gaadhsiiyeen khasaare balaadhan.

 

 

Dagaalkii dhacay habeen hore oo labo jeer ahaa ayaa waxaa ay Ciidamada SSC ka muujiyeen giisinimo baladhan iyagoo weeraro xeeladaysan la beegsadey labo Xero oo isku dhaw ,taasi oo jaahwareer ku abuurtey Maleeshiyaadka SNM,waxaanna la sheegay in dagaalkaas ay ku nafwaayeen in ka badan 10 askari halka tiro aan la xaqiijinta ay kaga dhaawac meen maleeshiyadka duulaanka ku joogta dhulka SSC.

 

Sidoo kale waxaa ay Ciidamada xaq-udirirka SSC ay subaxnimadii shalay weerar rogaal celin ah ku qaadeen malayshiyada SNM, kaasi oo ay kula wareegeen Magaalada widhwidh, waxaanna ay qabsadeen dhawr xero oo ay deganaayeen Maleeshiyadda dirta waqooyi.

 

Dagaalkan oo socdey ilaa 11 duhurnimo ayaa waxaa ay Ciidamada SSC cashar lama ilaawaan ah u dhigeen Maleeshiyada SNM, waxaana ay fiidnimadii dib ugu soo noqdeen fadhiisimahoodii iyagoo xanbaarsan guul.

 

Inkasta oo aan la ogaan khasaaraha loo gaystey dagaalkii duhurkii dhacay Maleeshiyada SNM ayaa haddana warar hoose oo aanu ka helney xubnaha horgaladda u ah waxaa ay sheegayaan in ugu yaraan ay dagaaladii habeen hore iyo shalay marka laysku geeyo laga diley 25 Askari halka 30 kalena dhaawac la gaadhsiiyey. Sidoo kale waxaa la xaqiijiyey in ugu yaraan labo gaadhi oo Tikniko ah laga gubey.

 

Ciidamada Xaq-udirirka SSC ayaa waxaa dhankooda ka dhintey hal Askari,halkan afar kalena ay dhaawacyo fudud soo gaadheen, waxaase ay Maleeshiyadda SNM qafaasheen 6 nin dhalin yaro ah oo deegaankaasi ku sugnaa.

 

 

Dagaalkii dhacay 24saac ee aynu soo dhaafney ee ay Ciidamada SSC la galeen Jabhadda SNM ayaa waxaa uu ahaa kii ugu balaadhnaa ee deegaanka ka dhaca,waxaanna ay Ciidamada SSC ka soo hooyeen Guulo waa weyn.

 

 

 

C/casiis Saleebaan Axmed

 

galoose@yahoo.com

Buuhodle SSC Soomaaliya

[A_Khadar]

Afhayeenka Hogaanka SSC Axmed Gacmayare oo ka warbixiyay Dagaalkii cuslaa ee ka dhacay widhwidh

 

WidhWidh}20-07-10 Afhayeenka Hogaanka SSC Axmed Gacmayare ayaa ka warbxiyay dagaalkii ka dhacay Magaalada widhwidh, Mudane gacmayare ayaa sheegay in dagaalkii shalay uu ahaa mid gacmaha la iskula tagay.

Waraysi - Audio