TFG troops take on bandits..

[General Duke]

Ciidamada Dowladda Federaalka oo howl gal burcad sifeyn ah ka sameeyay inta u dhaxeysa Warshiikh iyo Magaalada Muqdisho, halkaasoo dadka iyo gaadiidka dhac loogu geysan jiray.

 

Ciidamada Dowladda Federaalka Soomaaliya ayaa howl gal ay maanta ka sameeyeen inta u dhaxeysa Degmada Warshiikh ee G/Sh/Dhexe iyo Magaalada Muqdisho,

 

Ciidamada Dowladda Federaalka Soomaaliya ayaa howl gal ay maanta ka sameeyeen inta u dhaxeysa Degmada Warshiikh ee G/Sh/Dhexe iyo Magaalada Muqdisho, ayaa waxa ay ku guulesyteen in halkaas ka sifeeyaan burcad halkaas wax ku dhibaateyn jirtay.

 

Howl galkan ayaa waxaa ku dhintay labo ruux oo ahaa maleeshiyadkii wax dhacayay, oo halkaas is rasaaseyn ku dhex martay labada dhinac, mid kale oo maleeshiyaadkii ahaa uu ku dhaawac, iyadoo ay Ciidamada Dowladda ay gacanta ku soo dhigeen labo burcad.

 

Howlgalkan ayaa yimid, kadib markii dadka socotada ah ay cabashooyin ka keeneen wadada isku xirta Muqdisho iyo wadada marta xeebta oo looga aado deegaanada gobolada dhexe ee Soomaaliya.

 

Maalmihii u dambeeyay ayay Maleeshiyaad aad u fara badan dhac xoog leh u geysanayeen dadka iyo gaadiidka isticmaalayay wadadaas.

 

Ciidamada Dowladda Federaalka Soomaaliya oo si rasmi ah u baabi’yay burcada wax dhaceysa, ayaa waxaa wadooyinkaas la sheegayaa in la geeyay markii u horeysay ciidamo ka tirsan Dowladda oo ammaanka wadadaas oo beryihii la soo dhaafay dilal iyo dhac ka jireen.

 

Waa markii u horeysay ee Ciidamada Dowladda howl galo burcad sifeyn ah ka sameeyeen meel ka baxsan magaalada Muqdisho, iyadoo talaabadan ay noqoneyso mid hore usii qaadeyso sugida ammaanka Caasimada Muqdisho iyo deegaanada ku xeeran.

 

Xafiiska Warqabadka ee Shabakada Carmooyin.com Muqdisho