Middle Shabbale: IDP's from Mogadishu's former safe havens suffer..report

[General Duke]

 

Cuduro iyo Abaaro Ba’an oo laga soo sheegayo degaanada Warsheekh, Cadale iyo Ceel Macaan.

 

Waxaa Cuduro iyo abaaro xoogan laga soo sheegayaa degaano aad u fara badan oo ka tirsan nawaaxiga Degmada Warsheekh, Cadale,Balcad iyo Ceelmacaan halkaasi oo ay ku barakaceen dad aad u fara badan oo ka qaxay dagaalada aan dhamaadka lahayn oo ilaa iminka ka aloosan magaalada Muqdisho.

 

Tuulooyin dhowr ah oo ka tirarsan degaanada Balcad,Ceelmacaan,Ca dalle iyo Warsheekh ayaa laga soo sheegayaa in halkasi ay ka dilaaceen cuduro faro kulul ku haaya sida cudurka shuban biyoodka iyo malaariyada.

 

 

 

Degaanadani ayaa waxaa soo foodsaartay Cunno yaraan taasi oo laga yaabo in dad badani ay u nuglaadaan in ay u dhintaan Cudurada ka dhasha nafaqa la'aanta.sidoo kale waxay dadka degaanka ka cabanayaan maciishada oo aad qaali u ah.

 

Abaarahani ayaa waxa ay saameyn ku yeelatay dadka iyo duunyadaba ayadoona aysan jirin cid ilaa iyo hadda wax gurmad iyo samafal ah u samaysay dadkaasi ayadoo hey’adaha gargaarka ay xilligani ku sugan yihiin degmooyin ka tirsan magaalada Muqdisho.

 

ugu danbayntii dadka degaanka ayaa ka codsaday hay’adaha Samafalka inay kaalmo la soo gaaraan dadka iyo duunyada ku dhaqan deegaanadaasi iyo tuulooyinka hoos yimaada waxayna sheegeen hadii aan kaalmo lala soo gaarin dadkaa in xaaladu qatar isku badali doonto.

 

Maxamed Deeq Muuse (deeqdarajo)

Deeqdarajo100@hotami l.com

 

 

Afeef: Aragtida qoraalkan waxaa leh qoraaga ku saxiixan

[General Duke]