Cowke Posted May 30, 2010 Ardeyda Jaamacada Muqdisho oo Maanta u Fariistay Imtixaankii Gabagabada ee Sanad Waxbarasheedka 2009/2010 (Sawiro) Boosaaso (RBC Radio) In ka badan 6,700 arday oo wax ka barata qeybaha kala duwan ee Jaamacada Muqdisho xarumaha ay ku leedahay magaalooyinka Muqdisho iyo Boosaaso ayaa maanta u fariistay imtixaankii gabagabada ee sanad waxbarasheedka 2009/2010. Imtixaankan oo ah gabagabada semesterka 2aad ee waxbarashada jaamacada ayaa waxaa ka qeybgalaya guud ahaan ardeyda wax ka barata 7-kuliyadood oo ay Jaamacada Muqdisho ka kooban tahay. Xiriiriyaha Jaamacada Cali Daahir Maxamed oo ah xiriiriyaha jaamacada ayaa Wariyaasha uga warbixiyey imtixaanka ayaa sheegay in maamulka Jaamacada uu diyaariyey hab gaar ah oo imtixaanka lagu maareeyo, wuxuuna ka codsaday dhamaan ardeyda inay ka faa’ideystaan waqtiga si degana u galaan imtixaanka. Waxaa uu sidoo kale Cali sheegay inuu ugu baaqayo ardeyda jaamacada inay dhowraan waqtiga imtixaanka si aysan u dhicin in fursadii uu ardeygu ku diyaarin lahaa jawaabaha uu waayo. Dr. Maxamed Xasan Nuur oo ah madaxa qeybta imtixaanada ee Jaamacada Muqdisho ayaa ugu hambalyeey guud ahaan ardeyda Soomaaliyeed ee sanadkan u fariisatey imtixaanka hadii ay ahaan lahaayeen kuwa dugsiyada iyo kuwa jaamicadaha. Wuxuuna sheegay in jaamacada iyo maamulkeeduba ay soo dhaweynayaan ardeyda dhameysata dugsiyada sare kuwaasi oo ka heli doona jaamacada Muqdisho adeeg waxbarasho oo tayo leh. Qaar ka mid ah ardeyda jaamacada ee gashay imtixaanka ayaa sidoo kale nooga waramay dareenkooda maadaama ay u fariisteen xiritaankii semsterkii labaad ayna u tahay fursad ay ugu gudbi karaan semesterka xiga. Imtixaankan ayaa xilligan ku soo beegmaya iyadoo guud ahaan goobaha waxbarashada sida dugsiyada iyo jaamacadaha ay ka socdaan imtixaanada gabagabada ee sanad kasta la qabto. Ardeyda qaarkood ayaa sheegay inay aad ugu faraxsan yihiin gelida imtixaanka iyagoo ku booriyey saaxiibadooda kale inay muujiyaan ad adayg iyo dhiirananaan. Ardeydaasi waxay tilmaameen inay ku rajo weyn yihiin in guul uu dambeyntii ay ka gaari doonaan dadaalka ay ugu jiraan dhismaha waxa ugu muhimsan noloshooda oo ah tacliinta ay hadda ku guda jiraan. Jaamacada Muqdisho waxay ka kooban tahay 7 kuliyadoo oo leh takhasusaad ka kooban 20 iyo barnaamijka daraasadka sare (High Diploma, Master Degree iyo PhD). Waxaana ka qalinjabinaya sanadkan dufcadii 10-aad. Jaamacada waxay xarumo ku leedahay magaalooyinka Muqdisho iyo Boosaaso, waxayna jaamacada Muqdisho heysataa aqoonsi caalami ah waxayna ka mid tahay 40-ka jaamacadood ee ugu horeeya jaamacadaha qaarada Afrika. Cabdalle Axmed RBC Radio DAAWO SAWIRO BADAN: Quote Share this post Link to post Share on other sites
