Sophist Posted November 25, 2004 Jaamacadda Nugaal oo Saaka Ardaydii u Dareertay Laascaanood(Radiolascaanod.com) Thu 24/11/2004 Waxaa saaka si rasmi ah u bilaabantay Jaamacadda Nugaal (Nugaal University) oo duruustii ugu horeysay ay ardaydii u xaadireen. Guddoomiyaha Jaamacadda Nugaal mudane C/kariim Ali Jamac ayaa waxa uu soo gaadhsiiyey warbaahinta in Jaamacaddu si rasmi ah ay saaka u furantay, laguna bilaabay arday gaadhaysa 60 arday. C/karim waxa kale oo uu warbaahinta u sheegay in Jaamacaddu ay wax ka dhigi doonaan macalimiin gaadhaysa todoba macalin oo lagu bilaabayo jaamacadda muddada ardayda loogu diyaarinayo heer ay qaadan karaan duruusta takhasuusaadkooda ama kuliyadahooda. Shacabka SSC ee gudo iyo dibadba ayaa aad iyo aad u soo dhaweeyey dadaalkaas muddada soo socday ee lagu guulaystay. Radiolascaanod.com oo la xidhiidhay aqoonyahan farabadan oo isugu jira dhammaan laamaha kala duwan ee cilmiga ayaa waxa ay ballan qaadeen inay si buuxda u taageeri doonaan Jaamacadda Nugaal, taageeradaas oo isugu jiri doonta dhinacyada dhaqaalaha, cilmiga, xidhiidhka, iyo maamulkaba. Ahmed M Hassan Radiolascaanod.com Quote Share this post Link to post Share on other sites
