Heavy fighting in Mogadishu result in more deaths injury

[General Duke]

Muqdisho:Dagaaladi saaka ka qarxay degmada Hodan oo xoogeystay iyo Suuqa Bakaaraha oo madaafic ay ku hoobaneyso

27. juli 2009

 

Muqdisho(AllPuntland )-Dagaalo iyo duqeymo xoogan ayaa xiligaan ka soconaya xaafadaha Taleex , Km4, iyo Barmuuda oo ka tirsan degmada Hoddan ee G/Banaadir.

 

Dagaaladan ayaa bilawday kadib markii xoogaga mucaaradka ay weerar saf balaaran ah ku qaadeen fariisimada Ciidamada Amisom ee aaga Km4.

 

Dagaalka oo aad u xoogeystay waxaa xoogiisa uu isu badalay duqeymo ku socda S/Bakaaraha iyo xaafada Taleex.

 

30-qof dad ka badan ayaa ku dhaawacmay , waxaana hada gawaarida gurmadka deg deg ah ay geeyeen cisbitaalka Madiina ee magaalada Muqdisho.

 

S/Bakaaraha ayaa lagu kala cararay , waxaana xirmay dhamaan goobihi ganacsiga .

 

Xafiiska wararka Muqdisho AllPuntland

[General Duke]

source

[General Duke]

Muqdisho:Ciidamada Amisom ee ilaalada ka ah madaxtooyada oo soo ruqaansaday xili xoogaga mucaaradka ay isu diyaariyeen weerar xoogan

27. juli 2009

 

Muqdisho(AllPuntland )-Ciidamada Amisom ee ilaalada ka ah xarunta madaxtooyada ayaa goor dhaw u soo ruqaansaday isgoysyada kaabiga ku haya madaxtooyada sida Xararyaale iyo Aadan Cadde.

 

Goob jooge dagan xaafad madaxtooyada ku dhaw aya sheegay in uu arkay Taangiyada Amisom oo soo baxaya , iyadoo ay ka horeeyaan ciidamo lugta ah oo ka soo horeeyey Taangiyada .

 

Dhinaca kale xoogaga mucaaradka ayaa dhaqdhaqaaq ka bilaabay isgoysyada ku dhaw madaxtooyada , waxaana aad looga cabsanaa dagaalo halkaas ka qarxa .

 

Dagaalada iyo dhaqdhaqaaqyada ciidan ee saaka Muqdisho ka bialwday ayaa ah kuwo qorsheysan oo ay abaabuleen xoogaga mucaaradka.

 

Xafiiska wararka Muqdisho AllPuntland

WAR LA XIRIIRA