BADHAN: Puntland military commitee reaches heart of Sanaag: Pics

[General Duke]

The army is taking shape

GUDDIDII LOO XILSAARAY HUBINTA CIIDAMADA PL OO GAADHEY MAGAALADA BADHAN

 

Badhan : Subaxnimadii Khamiista ayaa magaalada Badhan waxa gaadhey sadex xubnood oo ka tirsan guddi dhowaan madaxweynaha PL C/raxmaan Maxamed Faroole u magcaabay tiro koobta iyo hubinta ciidamada kala duwan ee dawlad goboleedka Puntland ee Soomaaliyeed.

 

Guddida ayaa waxay u kuurgal ku sameeyeen ciidamad Boliska iyo Daraawiishta ee ku sugan magaalada Badhan , waxayna ciidamada ugu tageen saldhigyadooda, iyaga oo diiwaanka ay siteen ka hubinayey magaca askariga , deetana sawir ka qaadayey .

 

Waxa gudida la joogey mar kasta oo ay hawshaas wadaan Guddoomiyaha gobolka Sanaag PL Md. Maxamuud Siciid Nuur iyo labada taliye ciidan ee kala ah Col. C/laahi Cumar Cashuur oo taliye u ah daraawiishta iyo Col. C/xakiim Maxamed Liibaan oo taliye u ah ciidanka Boliska gobolka.

 

Sida la ogyahay ciidanka Asluubta ayaan haba yaraatee ka jirin gobolka Sanaag, waxase la filayaa in maamulka cusubi ka asaaso ciidankaas iyo sidoo kale dhismaha xabsiyadaba.

 

Xubnaha iyo masuuliyiinta gobolka ayaa ka cudur daartey iney warbaahinta wax faah-faahin ah ka siiyaan kulamadoodaas.

[General Duke]

Col Cashuur