Cowke Posted June 20, 2010 Mark Bowden Oo Maanta Gaalkacyo Soo Gaarey. Cawil Maxamuud Cabdi RBC Radio, Gaalkacyo Cawil@raxanreeb.com Gaalkacyo (RBC Radio):- Xariiriyaha Bini’aadanimada ee Qaramada Midoobey u qaabilsan arimaha Soomaaliya Mark Bowden ayaa maanta soo gaarey magaalada Gaalkacyo ee gobolka Mudug ee maamulka Puntland. Wafdigani oo uu horkacayo Mark Bowden oo ka soo kicitamay dalkaasi Kenya ayaa waxaa Garoonka Diyaaradaha magaalada Gaalkacyo ku soo dhaweeyay Saraakiil ka socota Hay’ada Qaramada Midoobay ee xafiisyadoodu ku yaaliin gobolka Mudug, Maamulka Gobolka Mudug iyo Maamulka Degmada Gaalkacyo. Xubnaha wafdigani ka socda Qaramada Midoobay ayaa waxay u gudbeen xarumaha Qaramada Midoobay ay ku leeyihiin magaalada Gaalkacyo ee gobolka Mudug ee maamulka Puntland, waxayna kulamo la qaateen Hay’adaha Qaramada Midoobay ee xafiisyadoodu ku y yaaliin magaalada Gaalkacyo. Dhinaca kale wafdigu waxay kulamo la qaateen maamulka gobolka iyo kan degmada Gaalkacyo waxayna ka la hadleen arimo badan oo khuseeya bini’aadantinimada, kulamadaasi oo ku soo dhamaadey is afgarad, iyadoo xubnaha wafdigana ay dib uga laabteen magaalada Gaalkacyo gelinkii dambe ee maanta. RBC Radio Quote Share this post Link to post Share on other sites
