Minister of Interior talking to Ethiopian officers wont work.....

[General Duke]

Wasiirka Arrimaha Gudaha Soomaaliya oo sheegay inaysan dowladu waxba kala socon wadahadalada la sheegayo

 

Somaliweyn Media Center (SMC) Muqdisho 03/04/07

 

Wasiirka Arrimaha Gudaha Soomaaliya Maxamed Maxamuud Guuleed (Gacmo-dheere) ayaa sheegay in aanay jirin wax ay kala socoto dowladda Soomaaliya waanwaan la sheegay inay u socoto Beelaha ****** iyo Saraakiisha Ethiopia ee hoggaaminaya ciidammada Ethiopia ee ku sugan Soomaaliya.

 

Mudane Gacmo-dheere wuxuu sheegay inaysan ogeyn odayaal ****** ah oo doonaya inay wadahadallo la yeeshaan Saraakiisha Ethiopia isagoo sheegay inay xaq u leeyihiin inay kala hadlaan xaaladda Muqdisho iyo guud ahaan dalka Soomaaliya odayaashaas dowladda Soomaaliya.

 

“Waa jirtaa inaan maqlaynay hadallo la isla dhex marayo oo sheegaya in odayaala ka tirsan Beelaha ****** ay doonayaan inay kulammo la qaataan maanta saraakiisha Ethiopia ee ciidammada hoggaaminaya, waxaanse u sheegaynaa inaysan taasi u noqonayn mid wax-tar leh” ayuu yiri Gacmo-dheere oo intaas ku daray: “Odayaasha ha ka war sugeen kulanka ay la yeelanayaan Ethiopian-ka wixii ay kala soo kulmaan, maadaama ay diideen inay la hadlaan dowladda”.

 

Gacmo-dheere wuxuu ku tilmaamay kulankaan la sheegay inuu maanta dhex marayo Odayaal ka tirsan ****** iyo saraakiisha hoggaaminaya ciidammada Ethiopia inuusan najaxayn oo ay u baahanayaan odayashaas inay la hadlaan dowladda Soomaaliya.

 

Maxamuud Axmed Xasan ( Xuurshe)