Cowke Posted October 19, 2009 Diyaarad ku soo dhacday Magaalada Kismaayo. October 19, 2009 filed under NEWS IN SOMALI Horseed Media Breaking News Wararka ka imaanaya Magaalada Kismaayo ee Xarunta gobolka Jubadda Hoose ayaa sheegaaya in maanta halkaas ay ku soo dhacday diyaarad nooca wax basaasta oo aan la aqoon Wadanka laga leeyahay. Dad Xog Ogaal ah oo lagu kalsoonaan karo oo ku sugan Magaalada Kismaayo ayaa Horseed Media u xaqiijiyey in diyaaradaas loo badinaayo in ay soo rideen Xoogaga Al-Shabaab ee ka arimiya Magaaladaas isla markaana aan la aqoon goobta ay ku dhacday oo weli la baadi goobaayo. Waxaana ay dadkaas sheegeen in saaka oo dhan ay rasaas xoogan laga maqlaayay Magaalada Kismaayo oo ay ridaayeen dagaalyahanada Ururka Al-Shabaab ee Magaalada Kismaayo kuwaas oo arkay diyaaradaas xilli ay joog hoose ku dhul hee haabaysay hawada Magaalada Kismaayo. Dadkaas ayaa sidoo kale sheegay in Xaalada Magaalada Kismaayo ay saakay ahayd mid aad u kacsan oo loo malaynaayay in ay dagaal ka bilaabman rabto,waxaana dadka reer miyiga ay sheegaayan in diyaaradaas ay ku soo dhacday Waqooyiga Xeebta Magaalada Kismaayo. Dadka Magaalada ayaa iminka isugu soo baxay wadooyinka waa weyn ee magaalada ayna baadigoob ugu jiraan halki ay ku dhacday diyaarada. Waa marki ugu horeysay ay Kooxda Al-Shabaab ay soo rido diyaarad,waxaana dhowaanahan Maamulka Kismaayo ay ku hanjabaayeen in ay soo ridi doonaan diyaaradaha ku dhul heehaabeeya hawada Magaalada Kismaayo. Horseed Media. Quote Share this post Link to post Share on other sites
