Former clan court millitia attack SUULEEY in his home..tragic

[General Duke]

MUQDISHO: Koox Hubeysan oo weerartay gurigii Sheekh Maxamuud Sheekh Ibraahim Suuleey

Posted to the Web Dec 28, 07:51

 

 

Muqdisho (PP) - Kooxo hubeysan oo aan la garanayn ayaa weerar ku qaaday guriga Sheekh Ibraahim Suuleey oo ah Aabbaha Sheekh Maxamuud Sheekh Ibraahim Suuleey oo ah Afhayeenkii ugu dambeeyay ee Maxkamadaha isla markaana ahaa Xoghayihii guud ee Golaha Shuurada.

 

Guriga ayaa xilliga la wareerayay waxaa ku sugaan Sheekh Ibraahim Suuleey oo isagu jirranaa, waxaana la sheegay in dhallinyaro ku sugnayd guriga ay weerarkaas difaaceen, iyadoo xaladda guriga uu yahay haatan mid kacsan.

 

Warar aan lagu kalsoonaan karin ayaa waxay sheegayaan in sababta kooxahaas ay u weerareen guriga ay tahay iyagoo doonayay inay qafaashaan Sheekh Maxamuud Sheekh Ibraahim Suuleey, waxaana lagu sheegay kooxaha weerarkaas geystay inay ka tirsanaan jireen Malleeshiyooyinka Maxkamadaha.

 

Arrintaan ayaa waxaa si weyn u cambaareeyay dadweynaha Degaanka uu daggan yahay Sheekh Ibraahim Suuleey ee Degmada Hodan; waxayna ku tilmaameen in tani ay tahay fowdo in dhibaatada la sii badiyo.

 

Lama garanayo illaa iyo hadda halka uu dhab ahaan ugu sugan yahay Sheekh Maxamuud Sheekh Ibraahim Suuleey oo ahaa afhayeenka Maxkamadaha shalayna jeediyay shir jaraa'id oo uu si weyn ugu cambaareeyay Dowladda Federaalka Soomaaliya iyo Dowladda Ethiopia.

 

Maxamed Xuseen Jantiile

Wakiilka Puntlandpost - Mogadishu

E-mail: puntlandpostmog@hotmail.com