Weeraro Xoogan oo galabta lagu qaaday Wasaaraddii hore ee Gaashaandhigga iyo Stadium

[Xoogsade]

Weeraro Xoogan oo galabta lagu qaaday Wasaaraddii hore ee Gaashaandhigga iyo Stadium muqdisho

 

Beerdhiga 20.04.2008 20:30

 

Xoogagga Mujaahidiinta MMIS ayaa galabta waxay weerar xoogan ku qaadeen Wasaaraddii Gaashaandhigga, Xerada Guulwadayaasha iyo Stadium muqdisho oo fariisimo u ah Ciidamada gumaysiga Itoobiya iyo kuwa la shqeeya.

 

Dagaalkan ayaa waxaa uu markii hore ka bilawday agagaarka wasaradda gaashaandhiga iyo guulwadayaasha waxaana Mujaahidiinta u suurtagashay in ay gacanta ku dhigaan xeradda guulwadayaasha oo fariisin u ah ciidmada DFKMG ah waxayna Ciidamadii ku sugnaa u firxadeen dhanka W/Gaashaandhiga.

 

Sidoo kale Mujaahidiinta ayaa waxay weerar xoogan ku qaadeen Stadium Muqdisho waxayna ila ka agdhaw Mujaahidiintu Beerdhiga u xaqiijiyeen in weerarka lala beegsaday difaaca hore Ciidamada gumaysiga Itoobiya ee fariisinka ka samaysatay Xarunta isbartiibo iyo nawaaxigeeda.

 

Dagaalkan ayaa waxaa uu soo gaba gaboobay salaadii maqrib ka dib waxayna Ciidamada gumaysigu bilaabeen madaafiic ay la dhacayaan deegaamada ka agdhaw Wasaaradda Gaashaandhigga iyo Stadium Muqdisho waxaana la sheegayaa in duqayntaas ay ku waxyeeloobeen dad rayid ah oo ku sugnaa goobahaas.

 

Weeraradan ayaa waxay ku soo beegmayaan xilli uu maalintii labaad dagaal culus ka dhacayo degmooyinka Heliwaa iyo Yaakhshiid kaas oo khasaarooyin laxaad leh loogu gaystay Ciidamada gumaysiga, waxaana jira tacadiyo aad u fara badan oo ay Ciidamada gumaysigu dadka degmooyinkaas u gaysteen kuwaas oo ay ka mid yihiin gawraca tiro dad ah oo rayid ah.

 

 

www.Beerdhiga.com