Gen.Cabdullaahi Axmed Jaamac this is not a clan nor local issue

[General Duke]

Warar ku Saabsan Xaaladda Galgala [Dhegayso]

 

July 29, 20102 comments| !Wasiirka Arimaha Gudaha Puntland Gen.Cabdullaahi Axmed Jaamac oo maanta la hadley warbaahinta BBC-da ayaa sheegay, in xaaladda Magaalada Galgala iyo goobaha ka agdhaw ay degan tahay wax dagaal ahna aysan jiri, Ilkojiir ayaa sheegay in Ciidanka ka maraqaata Shiikh Attam ay muddo dheer meesha ku jireen ayna isugu jiraan qaar kamid ah deegaanka iyo kuwo doolaal ku yimid kuwaas oo koonfurta iyo meelo kaleba ka yimid.

 

Wasiirka Arimaha Gudaha ayaa sheegay in muddo dheer ay isku dayeen in arintan xal loo helo, xitaa cafis loo fidiyey, waxaana la isku dayey wax kasta lagu qanciyo laakiin waxaa meeshii yimiud rag gobolka aan u dhalan kuwaas oo calan meeshii ka taagey isla markaana bilaabey in ay dhibaateeyaan shacabka, waxaana ku xigtey in ay iyaguba weerar soo qaadeen, anaguna hadde waa u jawaabney.

 

Ilkojiir ayaa meesha ka saarey in dadka deegaanku wax tabanayeen, laakiin waxaa ku adeeganaayey dad yar oo dano gaar ah leh, ugu danbeyntii Wasiirka ayaa sheegay in aysan nabaddana ka harin , inkasta oo kooxda Attam ay dagaalka doorbideen labadana waan wadaynaa, khiyaarkana iyaga ayaa leh ayuu yiri wixii aan mandaqada ah xal waa loo heli karaa, marna nabadda kama quusanayno.