Abwaan Posted April 27, 2007 Ciidamada DFKM oo bililiqeystay warshada Coca Cola. Muqdisho 27 Abriil 07 (Beerdhiga ) Ciidamada DFKM ayaa bililiqeystay dhamaan hantidii ay laheyd warshada United Bottling Company Coca Cola ka dib markii ay ciidamada Itoobiya la wareegeen gacan ku heynta goobtaasi. Mid ka mid ah shaqaalaha warshada Coca Cola ayaa Beerdhiga u sheegay in ciidamada DFKM ay ka bililiqeysteen dhamaan hantidii warshada oo ay ka mid yihiin dhowr iyo toban gaari oo ahaa kuwii cabitaanka lagu qaadi jiray iyo kuwa kale, dhamaan qalabkii xafiisyada oo isugu jira Computers iyo Printers iyo waxay kale oo qaateen dhamaan sonkortii ku xareysneyd bakhaarka iyaga oo ku qaatay isla baabuurta warshada. Mar aan la xiriirnay maamulaha guud ee warshada Coca Cola Bashiir Max’ed Caraaye ayaa Beerdhiga u xaqiijiyey in gebi ahaaba hantidii warshada la bililiqeystay. Warshada Coca Cola oo ah warshada ugu weyn ee dalka Soomaaliya waxay ku taalaa wadada warshadaha waxayna u dhowdahay Ex-Control Balcad, warshadu waxay soo saari jirtay cabitaanada kala ah: Coke, Fanta iyo Sprite, waxaana dhidibada loo taagay 2003. Ma ahan warshada Coca Cola oo kaliya goobaha la bililiqeystay waxaa guud ahaanba la bililiqeystay guryaha ku yaala dhulka ay ciidamada Itoobiya qabsadeen maalintii shalay, waxaana ka mid ah goobaha kale ee la bililiqeystay Bedrudiin Super Market oo ku yaala Ex-Control Balcad. www.Beerdhiga.com Quote Share this post Link to post Share on other sites
Abwaan Posted April 27, 2007 Duke, ka warran bililiqadaan ay waxa aad ku sheegtid ciidan dowlo ku keceen? Mise tan kama hadli kartid oo adigaadba is leedahay wax baa kaa soo gaaraya? Orod hadde warshadda aniga halla i siiyo dheh waa la iga bililiqaystee markeedii hore? Oh no, waan khaldamay it is not bililiqo but some sort of gift to the GOVERNMENT FORCES! Quote Share this post Link to post Share on other sites
