Iraqi and Italian crimminals convicted in Somalia for robbery

[Yoonis_Cadue]

Never mind controlling our fellow criminal country-men. Now we have to deal with foreign criminals who come to Somalia to committ patty crimes.

 

 

Dad ajnebi iyo Somali isugu jira oo lagu xukumay Boosaaso!

 

Boosaaso - 16.November.2005

 

Maxkamadda magaalada Boosaaso ayaa maanta xukun kala duwan ku riddey 12 eedaysane oo ay ku jireen labo nin oo u kala dhashay waddamada Talyaaniga iyo Ciraaq.

 

Stivano Cariano oo u dhashay waddanka Talyaaniga hoyadiisna ay Soomaali tahay laguna magacaabo Maryan Axmed da’diisana lagu sheegay 25 sano ayaa lagu soo eedeeyey in uu baarasho kula kacay dad Itoobiyaan ah oo ku sugan magaalada Boosaaso, waxana uu qirtay in uu dembigaas galay. Ninkaas Talyaaniga ah ayey maxkamaddu ku xukuntay saddex sano oo xarig ah.

 

Khaalid Maxamed Muuse oo isna u dhashay waddanka Ciraaq da’diisuna ay tahay 26 sano ayaa isna sidoo kale lagu eedeeyey in uu baarasho ku sameeyey Itoobiyaan qaxooti ku ah magaalada Boosaaso, waxanay maxkamadu ku xukuntay hal sano oo xarig ah.

 

Sayid Cali Shiikh Xuseen iyo C/khaddar Shiikh Cabdullaahi ayey maxkamaddu ku soo eedaysay iney baarasho iyo handadaad ay kula jireen dadka Itoobiyaanka ah, dembigaas oo ay iska fogeeyeen inkasta oo ay ku qireen ciidamada saldhigga Biyo Kulule, waxana lagu xukumay hal sano oo xarig ah midkiiba.

 

Cali Cabdi Maxamed oo kamid ah dadka maanta ay maxkamaddu xukuntay ayaa waxaa loo haystaa lacag dhan $364, ninkaas oo xabsiga lagu hayn doono ilaa iyo inta uu bixinayo lacagtaas.

 

Toddoba qof oo kale oo ay booliisku soo qabqabteen ayaa booliisku ku eedeeyeen in ay caan ku yihiin falalka burcadnimada ah ee ka dhaca magaalad Boosaaso kuwaas oo marar badan la keenay saldhigyada magaalada, waxana ay maxkamaddu ku xukuntay midkiiba hal sano oo xarig ah.

 

Toddobaadkan bilowgiisii ayey ahayd markii maxkamadda derejada kowaad ee magaalada Boosaaso ay xukun kala duwan ku riddey 14 qof oo isugu jirey burcad iyo kuwa habeenkii dadka baarta.

 

Maxamed Cali Iimaan

SBC Boosaaso

[Snake-i]

can you write that in english or explain it in english...it will really help thanks