Madaxweyne Ku Xigeenkii Ugu Horeeyay Ee Sland Oo Shalay Xaruntii SNM Dhagax Dhigay t

[Saalax]

Hargeysa (HWN) Madaxweyne ku xigeenkii hore ee Jamhuuriyadda Somaliland Mujaahid Xasan Ciise Jaamac ayaa shalay gabal dhicii dhagax dhigay taalo, loogu talogalay in lagu xasuusto taariikh halgameedkii ururkii SNM.

 

 

 

Taaladan oo laga dhisi doono xaruntii ay SNM ku lahayd magaalada, Baligubadle ee magaalo madaxda gobolka Hawd.

 

 

 

Xaflada taalada dhagaxa dhiga oo ay ka soo qayb galeen guddoomiyaha xisbiga siyaasiga ah ee UCID Eng. Faysal Cali Waraabe, guddoomiye ku xigeenka 1-aad ee xisbiga UCID Aadan Maxamed Mire Waqaf, Guddoomiyaha arrimaha gudaha ee xisbiga UCID Maxamed Ibraahim (Qabo), Guddoomiyaha ololaha doorashada madaxtooyada Dr.Saleebaan Daahir C/laahi (Dogox), masuuliyiin iyo saraakiil sarsare oo ka socotay xisbiga UCID.

 

 

Ugu horeyn Madaxweyne ku xigeenkii ugu horeeyay ee Somaliland Mujaahid Xasan Ciise Jaamac oo halkaas ka hadlay ayaa sheegay in guddoomiyaha xisbiga UCID uu yahay ka keliya ee ilaa hada afkiisa laga maqlo hadalo dhinaca diinta u jandheedha, waxaanu ku hambalyeeyay sida uu mar walba diinta hal ku dhega uga dhigtay.

 

 

“Faysal baaba yidhaahda ilaahay sida uu khayrku ku jiro ha inooga yeelo, isaga si gaar ah ayaan ugu mahadnaqayaa, waayo diinta insha allaah carabka wuu ku badiyaa” ayuu Xasan Ciise Jaamac dhagax dhiga taalada laga qotomiyay xaruntii SNM uu yidhi

 

 

Dhinaca kale guddoomiyaha xisbiga UCID, ahna murashaxa jagada madaxweyneha Eng. Faysal Cali Waraabe oo isna halkaas kalmado kooban ka yidhi “Hore ayaan u sheegay waxa aan idhi hadii aynu guulaysano taariikhdeenii halgankii iyo Lixdankii labadaba waa la qori doonaa, waxaanan jecelahay in dhagaxa uu maanta dhigay Xasan aanu noqon doonin kii Rayaale iyo madaxweyne ku xigeenkii ay dhigi jireen, balse ay noqdaan kuwo dhab ah, taariikhdiina waanu qori doonaa haddii uu eebe yidhaahdo,” ayuu yidhi Eng. Faysal Cali Waraabe.

 

 

Najax Aadan Cunaaye

 

Hadhwanaagews/Office

 

Hargeysa/Somaliland

 

 

 

 

 

 

 

 

[Xaaji Xunjuf]

Thanks for the pictures Good in the memory of The SNM heroes