Mogadishu: President Yusuf returns home

[General Duke]

Muqdisho: Madaxweynaha Dowladda KMG iyo wafdi uu hoggaaminayo oo ku soo laabtay dalka

14. September 2007

 

Muqdisho(AllPuntland)- Madaxweynaha dowladda Federaalka KMG ah ee Soomaaliya Md. Cabdullaahi Yuusuf Axmed iyo wafdi ballaaran oo uu hoggaaminayo ayaa duhurnimadii maanta dib ugu soo laabtay magaalada Muqdisho isagoo magaalada Addis Ababa kaga qeybgalay xafladda qarniga cusub ee sanadka Ethiopia iyo munaasabada kale ee xuska bilashada sanadka bila tirsiga kalandarka dalka Itoobiya gaarka u ah ee loo yaqaan Meskerem.

 

Madaxweyne Cabdullaahi Yuusuf Axmed ayaa mudadii uu ku sugnaa magaalada Addis Ababa waxaa uu kulamo kala duwan kula yeeshay madaxda dalkaasi, Madaxweynaha Jabuuti Md. Ismaaciil Cumar Geelle iyo madax kale oo lagu casuumaday xafladda qarniga cusub ee dalka Ethiopia.

 

Md. Yuusuf ayaa Ra’iisul Wasaaraha Ethiopia Ato Males Zenawi ugu hambalyeeyay qarniga cusub ee Ethiopia iyo xuska bilashada sanadka Meskeremka isagoo u rajeeyay shacabka Ethiopia in sanadkan kiisa kale ay ku gaaraan nabad, horumar iyo midnimo.

 

Wafdiga Madaxweynaha ayaa waxaa garoonka diyaaraddaha Aadan Cadde ee Muqdisho ku soo dhoweeyay xubno uu horkacayey Ra'iisul Wasaare Cali Maxamed Geeddi iyo maamulka gobolka Banaadir.

 

Cali Muxiyaddiin Cali

AllPuntland, Muqdisho

[Ojelle]

^Si dhuumaalaysi ah buu kuyimi baalayirye maxaa kajiro?

[General Duke]

^^^lool. you live in fantasy adeer.