Mogadishu: curfew under way, a few bombs but the city locked

[General Duke]

Muqdisho: Bandow caawa si rasmi ah ugu hirgalay magaalada Muqdisho.

22. June 2007

 

Muqdisho(AllPuntland)- Waxaa gebi ahaanba albaabada loo laabay goobaha ganacsiga, waxbarashada, maqaayadaha iyo xarumaha kale kadib markii lixdii iyo barkii maqribnimo ay dadweynaha ku dhaqan magaalada Muqdisho iska wada xaadiriyeen guryahooda intii aan la gaarin 7-fiidnimo oo ka bilaabaneysay bandow ay dhawaan shaaciyeen guddiga amaanka qaranka.

 

Gebi ahaanba magaalada Muqdisho ayaa ah goob haawaneysa marka laga reebo baabuurta dagaalka oo ay saran yihiin ciidamada dowladda oo taageerayaan kuwa Itoobiya oo iyagu gaaf wareegaya wadooyinka magaalada Muqdisho iyo jidadka gala xaafadaha Muqdisho.

 

Bandowgan ayaa u muuqda mid u hirgalay sidii loogu talagalay sida ay qadka isgaarsiinta noogu sheegeen dadweyne kala duwan oo ku kala dhaqan daafaha magaalada Muqdisho oo aan la xiriirnay.

 

Waa markii ugu horeysay ee bandow lagu soo rogo guud ahaan magaalada Muqdisho tan iyo intii ay dowladda Federaalka la wareegay gacan ku heynta magaalada Muqdisho, waxayna xaaladu u muuqataa mid dajineysa qaraxyadii iyo weerarada habeenkii ka dhacayey magaalada Muqdisho wallow aaney ilaa iyo hada wax war ah ka soo saarin dowladda Federaalka oo la filayo in beri ka hadasho bandowga dhaqan galay iyo waxyaabihii ka qabsoomay howlgalada ciidamada.

 

Cali Muxiyaddiin Cali

AllPuntland, Muqdisho

[General Duke]

War deg deg ah: Qaraxyo caawa laga maqley Muqdisho, xili uu bandowgii..

 

 

Wararka ka imaanaya magaalada Muqcdisho ee caasimada wadanka Soomaaliya ayaa sheegaya in caawa qaraxyo xoogan laga maqley qaybo ka mid ah magaalada Muqdisho.

 

Qaraxyadan oo ahaa kuwa xiriir ah ayaa tiradoodu waxay gaaraysaa ilaa iyo sideed waxaana la sheegay in si weyn looga maqley xaafadaha Muqdisho.

 

Wariye ka tirsan Idaacada SBC oo ku sugan magaalada Muqdisho ayaa soo sheegaya in qaraxyada laga maqley deegaano ka tirsan xaafada Hodan, waxaana adag in si deg deg ah lagu ogaado qaraxyadan khasaaraha ay geysteen.

 

Qaraxyadan oo sideed ahaa ayaa waxaa la sheegay in ay ku soo beegmeen xili caawa uu si buuxda magaalada Muqdisho uga dhaqan galey bandow ay DFKMG ah ee Soomaaliya ku soo rogtey xaafadaha Muqdisho.

 

Warar faahfaahinsan oo dheeraad ah kala soco SBC

 

SBC News Desk