me Posted November 2, 2007 Sarkaal ka tirsan ciidamada dowladda oo lagu dhaawacay Suuq Bacaad Mogadishu 02, Nov. 07 ( Sh.M.Network)- Sarkaal ka tirsan dowladda KMG ah ee Somalia ayaa saakay lagu dhaawacay bartamaha suuq Bacaad ee magaalada Muqdisho sida ay ku warameen dad goobjoogayaal ah. Sarkaalkaan oo la yiraahdo Cilmi Maalin ayaa waxaa soo weeraray kooxo ku hubeysan bustoolado, xilli uu ku sugnaa goob lagu qaxweeyo oo ku taala gudaha suuq Bacaad. Goobjoogayaasha ayaa waxa ay intaasi ku dareen in dhaawaca sarkaalka loo qaaday Isbitalka Keysaneey halkaasi oo lagu daweynayo. Kooxaha Weerarkaan geystay ayaa ka baxsaday halkaasi. Magaalada Muqdisho ayaa waxaa ku sii badanaya weerarada iyo dilalka qorysheysan ee ka dhanka ah saraakiisha dowladda, iyadoo xalay maqribkii kooxo hubeysan oo aan la garan ay toogasho ku dileen Guddoomiyihii waaxda Saqaawadiin ee degmada H/wadaag Xuseen Cali ibaar. Quote Share this post Link to post Share on other sites
