The Anti-Corruption Law Signed by the President

[Jacaylbaro]

Hargeysa (Jam)- Madaxweynaha Somaliland, Md. Daahir Rayaale Kaahin, ayaa shalay soo saaray go’aan ku saabsan dhaqangelinta xeerka ka-hortagga iyo ku-tagrifalka hantida qaranka iyo la-dagaallanka musuqmaasuqa. Sidaana waxa lagu sheegay warsaxaafadeed uu xalay fiidkii soo saaray Afhayeenka Madaxtooyada.

 

Warsaxaafadeedkaas oo faahfaahsanna waxa uu u dhignaa sidan:

 

“Madaxweynaha JSL Mudane Daahir Rayaale Kaahin, waxa uu maanta [shalay] soo saaray go’aan ku saabsan dhaqan-gelinta Xeerka Ka-hortagga Ku-tagri-falidda Hantida Qaranka iyo La-dagaallanka Musuqmaasuqa.

 

Madaxweynuhu isaga oo tixgelinaya oggolaanshihii Golaha Wasiirada iyo go’aankii Golaha Wakiillada Somaliland ee ku salaysnaa go’aankaas oo ay hore u ansixiyeen, waxa uu go’aansaday in uu dhaqangalo xeerka lambarkiisu yahay 302/2007 oo la xidhiidha Ka-hortagga Ku-tagri-falidda Hantida Qaranka iyo La-dagaallanka Musuqmaasuqa, xeerkaas oo waafaqsan qodobka 75-aad ee Dastuurka Jamhuuriyadda Somaliland.

 

Sidaa daraadeed, ay lagama maarmaan tahay in go’aankaas uu si rasmi ah u dhaqangalo, loona faafiyo.”

 

 

 

 

Jamhuuriya Online