General Duke Posted February 27, 2005 Madaxweynaha Dalka K/Afrika oo ka hadlay codsiyo dhowr ah oo uu u jeediyay Madaxweynaha Soomaaliya Axad, February 27, 2005 (HOL)@6:00GMT: Madaxweynaha dalka K/Afrika Mr. Thabo Mbeki oo dhowaan ka hadlayay Taleefashinka SACB ee ku yaala dalkiisa ayaa sheegay in codsiyo dhowr ah ay uga yimaadeen madaxweynaha Dowladda Federaalka Soomaaliya iyo wafdigiisii ee ay ku kulmeen shir madaxeedkii Midowga Afrika ee ka dhacay magaalada Abuja ee dalka Nigeria. Mr. Thabo Mbeki waxaa uu sheegay in ay madaxda dowladda Soomaaliya ka codsadeen in ay dowladda K/Afrika ka qeybqaadato dhameystirka dib u heshiisiinta Soomaaliya, isla markaana uu ka ogolaado in ay Wufuud ka socoto dowladda Federaalka Soomaaliya u soo direen dalka Koofur Afrika, si ay khibrad iyo waayo aragnimo uga qaataan nidaamkii dib u heshiisiineed ee uu soo maray dalkiisa oo guul weyn laga gaaray. Madaxweynaha K/Afrika waxaa uu xusay in uu dhamaan codsiyadaas ka aqbalay madaxda dowladda Soomaaliya, wuxuuna Mr. Mbeki xiligaas iska fogeynayay su'aal ahayd in barnaamijyada uu ka dhex wado Qaaradda Afrika ay yihiin kuwo uu dhaqaale uga doonayo dalalka reer Galbeedka, isagoo tusaale u soo qaatay arrinta Soomaaliya oo uu Wariyayaasha weydiiyay bal dhaqaalaha ka soo geli kara howshaas ay u qabanayaan Soomaaliya. Salaad Iidow Xasan (Xiis) Hiiraan Online sxiis@hiiraan.com Mogadishu, Somalia Quote Share this post Link to post Share on other sites
