In This Case, Everybody is Siding with Somaliland ,,,

[Jacaylbaro]

Culimada Buuhoodle oo ku guuldaraystay inay qaboojiyaan colaada Buuhoodle iyo Widhwidh

 

 

Waxaa maalmihii ugu danbeeyey isu taagay inay wixii karaankooda ka qabtaan arimha qalafsan ee ka taagan deegaanka Buuhoodle iyo Widhwidh qaar ka mid ah culimada degmada Buuhoodle,kadib markii ay halkaas ka dhaceen dagaalo sababay dhimasho iyo dhaawacba leh,iyo weliba barakac ku yimid bulshadii halkaas ku noolayd.

 

Culimada Buuhoodle qaar ka mid ah iyo weliba odayaal deegaankaas caan ka ah oo ay ka mid yihiin cuqaal ayaa ku baxay dhinaca degmada Widhwidh,waxayna markiiba kula kulmeen meel hawdka dhexe ah madaxda ururka SSC,waxayna isla meel dheigeen in la sameeyo xabadjoojin,oo arimaha la qaboojiyo,si dadkii qaxay guryahoodii dib ugu soo noqdaan.

 

Culimada ayaa sidoo kaleu gudbay dhinaca Widhwidh,iyaga oo la kulmay saraakiisha ciidanka Somaliland ee halkaas ku sugan,waxayna ka wada hadleen sida ugu haboon ee arimha ka soo cusboonaaday deegaankaas loo qaboojin lahaa,iyada oo goobtii kulankaas khadka taleefoonka lagula xidhiidhay madaxda sare ee Somaliland.

 

Hadaba markii ay culimadii dib mar kale ugu soo noqdeen kooxdii SSC,si ay ugu sheegaan waxay kala soo kulmeen Widhwidh ayaa waxay kala kulmeen weji gabax,oo waxaaba kolanyadii culimada ooda looga qaaday rasaas,taasoo aan waxba yeelin culimadii,waxayna si culimadii dib uug noqdeen degmada Buuhoodle,iyagoo halkaas kula kulmay bulshada deegaankaas,ugana warbixiyey sdiay wax u dhaceen.

 

Ma cada meesha uu ka yimid is fahan la'aanta culimada iyo ururka SSC hogaankiisa,waxaase jira kala shaki soo kala dhexgalay,kaasoo ku salaysan wadaadada oo looga shakiyey inay ku dhow yihiin dhinaca Somaliland.

 

Arintu si kastaba ha ahaatee sdia aan wararka ku helayno,waxa culimadu ay labada dhinacba ka codsadeen in xadadjoojin la sameeyo,.kadibna wadahadal la furo,arintaas oo aan suurto gelin.

 

 

Afnugaal News Desk.

[Jacaylbaro]

Ma cada meesha uu ka yimid is fahan la'aanta culimada iyo ururka SSC hogaankiisa,waxaase jira kala shaki soo kala dhexgalay,kaasoo ku salaysan wadaadada oo looga shakiyey inay ku dhow yihiin dhinaca Somaliland.