Liqaye Posted January 14, 2004 Ceelbuur Degmada Ceelbuur ee gobolka Galguduud oo labadii maalmood ee la soo dhaafay ay ka jireen dagaalo la iskula tegay gacmaha una dhexeeyay labadii beelood ee kal hore ku dagaalamay halkaasi ayey wararka naga soo gaaraya Ceelbuur waxey sheegayaan in dadkii ku dhaawacmay dagaalkaasi qaarkood dhaawacooda loo soo gudbiyay dhinaca Muqdisho, wuxuuna warku intaa ku daraya in 17 qofood oo ka mid ah dhaawacaasi uu mid ka mid ah ku geeriyooday wadada, halka kuwii kalena la keenay isbitalaada magaalada Muqdisho. Dadka ku dhaqan magaalada Dhuusamareeb ee xarunta gobolka Galguduud & deegaanka Guri ceel ee gobolkaasi ayaa walaac xoogan ka muujiyay dagaalka ka soo cusboonaaday Ceelbuur waxeyna baaq u soo jeediyeen beelaha ku dagaalamaya halkaasi iyaga oo baaqooda ku xusay in beelaha ku diriraya Ceelbuur ay googol nabadeed ugu fidinayaan Guriceel. Dhinaca kale, siyaasiyiinta & odayaasha u dhashay labada beelood ee ku dagaalamaya Ceelbuur kuna sugan magaalada Muqdisho ayaa iyaguna wada dedaalo lagu damimayo dagaaladaasi, waxeyna soo jeediyeen in si deg deg ah oo shuruud la’aan ah loo joojiyo xabada. Cabdishakuur Cilmi Xasan ,Dayniile Muqdisho Quote Share this post Link to post Share on other sites
